Törek matbuğatına küzätü 20.07.2014
20nçe iyul könne basılıp çıqqan qayber törek gazetlarına küzätü
“Yäni Şafak” gazetı “3nçe kritik kön” isemle xäbärendä İzrailneň 2 atna buyı ciröste häm hawadan bombağa totqan Gazzädä keşelek dramasınıň tiränäyüen yaza.
Şähärdä ut häm sunıň bulmawın, daru zapaslarınıň azayuın beldergän gazet räsmi zatlarnıň “şähärdä 3nçe kritik könneň başlanuı”na iğtibar cälep itep, yärdäm sorawın citkerä.
“Gazzäle balalar öçen utnı tuqtatığız” isemle xäbärendä “Milliyät” gazetı da İzrail operatsiyasendä 80 tiräse bala-çağanıň yaqtı dönyadan kitüen yaza.
Gazet xalıqara häm Fälästinle ictimağıy cämğiyät oyışmalarınıň Gazzädä ülgän balalar sanındağı artışqa iğtibar cälep itep, aşığıç räweştä utnı tuqtatırğa çaqıruın belderä.
“Habär türk” gazetı da “Änkaranıň utnı tuqtatu planı” isemle xäbärendä Änkaranıň Gazzädäge küpläp üterüneň azağıan yaqınlaşuı häm tınıçlıqnıň töbäktä däwamlı urnaştırıluı öçen plan äzerläwen citkerä.
Gazetka kürä Änkara tübändäge 5 matdäne täqdim itä: operatsiya tuqtasın, däwamlı utnı tuqtatu tä’min itelsen, Gazzä blokadası beterelsen, yärdäm öçen ber port, hawa koridorı açılsın häm Şalid köymäsendäge 59 Fälästinle irekkä cibärelsen.
“Xörriyät” gazetı “Soňğı çit il säfäre” isemle xäbärendä ilbaşı bulıp saylanğaç 2007nçe yılda berençe çit il säfären Tönyaq Kipr Törek Cömhüriyätenä yasağan ilbaşı Abdullah Gül planlanğan soňğı çit il säfären dä Kiprğa çınğa aşıruın yaza.
Gazet ilbaşı Gülgä Kipr däwlät başlığı Derviş Eroğlu tarafınnan Tönyaq Kipr Törek Cömhüriyäteneň iň zur däwlät ordenınıň tapşırıluın belderä.
Xäbärdä Abdullah Gülneň 20nçe iyul Tınıçlıq häm bäysezlek bäyrämeneň 40 yıllığın qotlaw çaralarında qatnaşır öçen barğan utrawda Kipr mäs’äläseneň tağın da soňarmıyça çişelüe maqsatınıň Törkiyäneň berençe tışqı säyäsät mäs’äläläre arasında buluın äytüe urın ala.
“Vatan” gazetı Törkiyäneň Transport, diňgezçelek häm xäbärläşü ministrı Lütfü Elvannıň Törkiyäneň aviatsiyada dönyanıň iň möhim uyınçıları arasında buluın citkerüen yaza.
Gazet Elvannıň 44 Awrupa ilendäge 461 hawa mäydanın üz eçenä aluçı xisapka kürä Törkiyäneň 2004-2014 çorında hawa mäydanı elemtä artışında Awrupada berençe buluın äytüen belderä.
