Törek matbuğatına küzätü 17.07.2014

“Habär türk” gazetı “İzrail plyajda uynawçı 4 balanı üterde” isemle xäbärendä İzrail Gazzädäge plyajda oyıştırğan höcümdä 4 balanıň ülüen yaza.

Gazet höcümnär başlanğan könnän bügengä qadär ğomere özelgän bala-çağa sanınıň 40tan artuın citkerä.

“Sabah” gazetı “Broşyura belän küpläp üterü iğlanı” isemle xäbärendä çärşämbe irtän İzrail oçqıçlarınıň Könçığış Gazzägä broşyura taratuın belderä.

Gazet broşyuralarda töbäktäge 100 meň keşegä “Operatsiyane başlatabız, öyegezdän çığığız” iskärtüeneň yasaluın xäbär itä.

Xäbärdä uramnarğa ağılğan meňnärçä Fälästin keşeseneň qaya barırğa belmäwe urın ala.

“Xörriyät” gazetı “Gazzädä xastaxanälär dä maqsat iep alındı” isemle xäbärendä İzrailneň Hamasnıň yuğarı däräcäle citäkçeläre yäşägän öylär dä bulğan barlığı 35 binanı maqsat itep aluın yaza.

Gazet paraliçlı häm komadağı xastalar yatqan Vefa xastaxanäsenä dä “buşatığız” kisätüen yasawın assızıqlıy.

“Vatan” gazetında “İzrail suğış cinayäten başqara” isemle xäbärendä İzraildä çığuçı “Haaretz” gazetı yazuçısı Gideon Levynıň Gazzädä ber mäktäp häm xastaxanäne bombağa totqan İzrail armiyasen tänqitläwen yaza.

Gazet Levynıň İzrailneň ğayepsez xalıqnı maqsat itep alğan höcümnäre belän suğış cinayäte başqaruın äytüen citkerä.

“Star” gazetı “Hollandiya Srebrenitsa genotsidında ğayeple çıqtı” isemle xäbärendä Holalndiya mäxkämäseneň 1995nçe yılda başqarılğan Srebrenitsa küpläp üterüendä 300 Bosniyaleneň üterelüendä Hollandiyaneň ğayeple buluına qarar birüen belderä.

Gazet mäxkämäneň Hollandiyale tınıçlıq köçle ğaskäriläreneň Bosniyale serplar tarafınnan qamap alınğan möselmannarnı yaqlıy almawın açıqlawın xäbär itä.

Srebrenitsa genotsidı waqıtında 7 meňnän artıq keşeneň yaqtı dönyadan kitüen xäterlätüçe gazet Srebrenitsanıň 2nçe Bötendönya suğışınnan soň Awrupadağı iň zur küpläp üterü bularaq bäyälänelüenä iğtibar cälep itä.

“Star” gazetı “Mesuttan Gazzägä 450 meň yevro” isemle xäbärendä Germaniyaneň çığışı belän törek bulğan uyınçısı Mesut Özilneň Gazzägä aqçalata yärdäm kürsätüen yaza.

Gazet tanılğan futbolçınıň federatsiyadän alğan 300 meň yevroğa tağın 150 meň yevro östäp, Gazzägä yärdäm qulı suzuın citkerä.