Törek matbuğatına küzätü 14.07.2014

“Milliyät”gazetı “İñ qanlı töndä 50 dän kübräk keşeneñ ğomere özelde” isemle xäbärendä İzrailneñ Ğazzägä başlatqan xärbi operatsiyäseneñ altınçı könenä kergändä yözlärçä keşene üterüe turında yaza.

Gazet şimbädän yäkşämbegä küçkän töndä Ğazzädä kim digändä 50 keşeneñ hälaq buluın häm bu könneñ diñgez häm ciröste operatsiyälärendä iñ küp keşe ülgän kön buluına basım yasıy.

Xäbärdä Ğazzäneñ tönyağındağı yortlarda tentü ütkärelüe häm öylärneñ bombağa totılaçağı äytelep fälästinlelärneñ öylärennän kitüläre soraluı belderelä.

Xäbardä qayber fälästinlelärneñ Berläşkän Millätlär Oyışması mäktäplärenä sıyınuı citkerelä.

“Yäni Şafak”gazetı “Dönya İzrailne ğayepli” isemle xäbärendä dönyanıñ törle poçmaqlarınnan meñnärçä keşeneñ İzrailne ğayepläwen xäbär itä.

Gazet Amerika Quşma Ştatlarında rizasızlıq belderü çaralarınıñ Aq Yort qarşında häm San – Franciscoda uzuın belderä.

Xäbärdä Törkiyäneñ “Kızılay” yärdäm oyışmasınıñ töbäkkä humanitar yärdäm cibäräçäge dä assızıqlana.

“Yäni Şafak”gazetı “Olı qayğılar “isemle xäbärendä Bosniya suğışında şähit buluçılarnıñ yaqınnarı-tuğannarınıñ Kravitsada genotsid lagerına kilüläre turında yaza.

Gazet meñnän kübräk bosniyalı üterelgän lagerda borçu-sağışlı mizgellar yäşänüen belderä.

“Star”gazetı “Şevardnadzenı soñğı yulğa ozatu” isemle xäbärendä uzğan atnada yaqtı dönyadan kitkän Gruziyanıñ elekke ilbaşı Eduard Şevardnadzenıñ soñğı yulğa ozatıluın xäbär tä.

“Xäbär Türk”gazetı “Eksport belän 10%qa üskän avtomobil tarmağı rekord quyarğa äzerläna” isemle xäbärendä Törkiyädä avtomobil sänäğäteneñ ağımdağı yılnıñ berençe 6 ayında citeşterü köçen eksport belan arttıruın belderä.

“Sabah”gazetı “Hawada tarixi rekord” isemle xäbärendä Törkiyädä aviatsiya tarmağında tarixi üseş küzätelüen citkerä.
Gazet soñğı 10 yılda säwdä oçış sanınıñ 168 % qa artuın belderä.

“Xörriyät” gazetı sport säxifäsendä urın alğan “Futbolnıñ patşası-Germaniya” isemle xäbärendä Dönya futbol berençelegeneñ final uyınında Germaniyanıñ Argentina komandasın 1-0 isäbe belän ciñüen häm dönya çempionı buluın uquçıları belän urtaqlaşa.