Törek matbuğatına küzätü 30.06.2014

“Yäni Şafak” gazetı “Min namzät tügel” isemle xäbärendä Premyer-ministr Recep Tayyip Ärdoğannıñ ilbaşı Abdullah Gül belän Aq partiyaneñ däwlät başlığı saylawları belän bäyle soñğı tapqır kiñäşmä ütkärüen yaza.

Gazet ilbaşı Abdullah Gülneñ İstanbuldağı Tarabya sarayında çınğa aşqan söyläşüdän alda syurpriz açıqlaw yasap: “Däwlät başlığı wazifası öçen qabat kandidat bulmayaçaqmın,” – digän süzlären citkerä.

“Star” gazetı “3nçe hawa mäydanında 200 million dollarlık yärminkä alanı” isemle xäbärendä İstanbulda uzğan könnärdä tözelä başlağan 3nçe hawa mäydanınıñ üzenä küp yaqlap cälep itäçägenä basım yasıy.

Gazet qunaqxanä çılbırlarınnan soñ xalıqara uyınçığa äylängän törek şirkäte Asel Exponıñ töbäktä yärminkä üzäge tözergä äzerlänüen belderä.

Gazet Asel Expo Xalıqara yärminkä xezmätläre idarä şurası başlığı Yunıs Eteneñ 1 million m2 lık alanda 200 meñ m2 mäydan öçen investitsiya kertergä uylawların citkerep: “Dönyanıñ iñ matur yärminkäse bulaçaq. 200 million dollarnıñ sarıf itelüe kötelä. İnvestitsiyaneñ 2-3 yıl baruı planlana,” – digän süzlären uquçıları belän urtaqlaşa.

“Habär türk” gazetı “Keşelärneñ oçuçı tälinkäläre” isemle xäbärendä NASAnıñ keşelekne Marska taşuı planlanğan oçuçı tälinkä räweşendäge ğaläm qorabın berençe itep Tın Okeandağı Kauai utrawında tikşerep qarawın yaza.

Gazet “Tübän tığızlıqlı supersonik tizlek kimetüçe” iseme birelgän oçuçı tälinkäneñ uñışlı räweştä sınap qaraluın citkerä.

Xäbärdä tälinkäneñ 55 çaqrım biyeklekkä qadär kütärelüe urın ala.

“Xörriyät” gazetı “Büläk belän qayttılar” isemle xäbärendä Melik Saraçoğlu häm Hakkı Kurtuluş yazğan häm töşergän “Küz nurı” isemle filmnıñ 36nçı

Xalıqara Mäskäw film festivalennän büläk belän äylänep qaytuın yaza.

Gazet operatsiya östälenä yatqan ber yäş yegetneñ xikäyäsen añlatuçı filmnıñ jyuri bülägenä layıq bulıp kürelüen assızıqlıy.

Xäbärdä festivalneñ Grand Prix bülägen yapon rejisserı Kazuyoshi Kumakirinıñ imzası bulğan “My Man”nıñ aluı citkerelä.