Törek matbuğatına küzätü 25.06.2014

“Yäni Şafak” gazetı “Albaniyağa namzätlek statusı” isemle yazmasında tulı äğzalek öçen 2009nçı yılda Awrupa Berlegenä möräcäğät itkän Albaniyağa” namzät il statusı”nıñ birelüe xäbären citkerä. 28 äğza ilneñ tışqı eşlär ministrları qatnaşuında Lyuksemburgta uzdırılğan cıyılışta qabul itelgän qararnıñ Bryusseldä oyıştırılaçaq liderlar sammitında däwlät häm xökümät başlıqlarınıñ raslawına täqdim iteläçäge äytelgän yazmada raslawdan soñ Albaniyanıñ Awrupa komissiyäse belän awır äğzalek söyläşülärenä başlıy alaçağı assızıqlana.

“Star” gazetı “Bıyıl 16 milliard dollar turıdan-turı kapital kötelä” dip atalğan yazmasında Xalıqara investorlar cämğiyäte başlığı wäkile Akın Kozanoğlunıñ bıyıl Törkiyägä 16 milliard dollar tiräsendä çit il kapitalınıñ kerüeneñ kötelüen äytüen yaza.

“Vatan” gazetı “THY Törek hawa yulları Afrikada Bäningä dä oçaçaq” isemle yazmasında Törek hawa yullarınıñ Afrikada säfär yasağan 39nçı noqtasınıñ Bänin ile buluın xäbär itä.

“Sabah” gazetınıñ iqtisad säxifäsendä çıqqan ““Solex” elektrlı velosiped eşläp çığaraçaq” dip atalğan yazmasında Frantsiya şirkäteneñ Törkiyä bazarına tiz räweşle kerüen añlata häm şirkät xucası eşmäkär Jean Pierre Bansardnıñ Törkiyädä turizm eşenä dä kerergä teläwlären häm Haliçtä qunaqxanä açu niyätläreneñ buluın äytüen yaza.

“Akşam” gazetı “73 ciñü belän Guinnes rekordı” isemle yazmasında Törkiyäneñ “Vakıfbank” xatın-qızlar voleybol komandasınıñ soñğı 73 matçınıñ 73esen dä ciñep: “Dönyanıñ ber-ber artlı iñ küp cinü yawlağan voleybol taqımı” bularaq rekordlar kitabına kerüen xäbär itä.