Törek matbuğatına küzätü 24.06.2014

“Xäbär Türk” gazetı ”Törkiyädä 945 meñnän kübräk süriyäle bar”isemle xäbärendä Berläşkän Millätlär Oyışmasınıñ Bötendönya qaçaqlar köne uñayınnan äzerlägn xisabında süriyäle sıyınuçılarnıñ wäzğiyäten bik açıq çağıldıruı turında yaza.

Xisaptan kürengänçä, Törkiyä, Yordaniya , Ğiraq häm Misırda 4 million süriyäle sıyınuçı bar.

Törkiyädä 945 meñnän kübräk süriyäle qaçaq buluın belderüçe gazet, bolardan 27%ınıñ pasportı bulmawın citkerä.

“Yäni Şafak”gazetı “Yöz meñnärçä keşe fäläkättän qaça”isemle xäbärendä 5 kön köçle yawım-töşem häm dawıl küzätelgän Qıtayda su basu faciğasında distälärçä keşeneñ ğomere özelüen häm yöz meñnärçä keşeneñ yäşägän urınnarınnan başqa cirlärgä küçerelüen belderä.

“Yäni Şafak”gazetı “Barbaros qaytu yulında” isemle xäbärendä Törkiyäneñ Barbaros diñgez wazifa başqaru törkemeneñ 102 könlek Afrika säyäxätennän soñ Törkiyägä qaytu öçen Suets kanalınnan kiçüen xäbär itä.

Gazet Afrika qitğasın äylänep çıqqan törkemneñ 24 il häm 25 portqa baruın , 27 nçe iyündä Törkiyägä qaytıp citäçägen belderä.

“Star”gazetı ”Sabiha Gökçän isemendäge hawa mäydanında berençe yulçı rekordı” isemle xäbärendä İstanbulda urnaşqan Sabiha Gökçän isemendäge xalıqara hawa mäydanınıñ könlek yulçı sanı buyınça 2014 nçe yılnıñ iñ yuğarı kürsätkeçenä ireşüen xäbär itä.

Gazet 22 nçe iyündä İstanbul Sabiha Gökçan hawa mäydanına kilüçe häm kitüçe tuplam keşe sanınıñ 80 meñ 817 täşkil itüen belderä.

“Sabah”gazetı “Exxon slanets gazına kilä” isemle xäbärendä Törkiyä neft eşläre ğomum mödire Sälami İncädalcınıñ qıya gazı häm neft ezläw öçen Amerika Quşma Ştatları , Awrupa häm Kanadadan investorlarnıñ zur qızıqsınu kürsätü turında äytüen citkerä.

Gazet Amerikanıñ “Exxon Mobil” energiya şirkäteneñ Törkiyädä slanets gazı häm neft ezläw eşçänlekläre öçen Törkiyä nefte aktsionerlıq cämğiyäte belän küreşüen belderä.

“Vatan”gazetı “Altsgeymermı, yaman şeşme?” isemle xäbärendä 12 ildä 6 meñ keşe arasında ütkärelgän anketa näticälärena kürä keşelär iñ qurıqqan awırunıñ yänä yaman şeş buluı turında yaza.

Gazet näticälärdä altsgeymernıñ ikençe urında toruın , yöräk awırularınıñ isä öçençe urında buluın uquçıları belän urtaqlaşa.