Törek matbuğatına küzätü 23.06.2014

“Sabah” gazetı AQŞ däwlät särqätibe John Kerrynıň Yaqın Könçığış turı qısalarında yäkşämbe könne Misırğa säfär yasawın yaza.

Gazet Kerrynıň başqala Qahirädä Misır däwlät başlığı Abdülfettah Sisi belän küreşep söyläşüen citkerä.

Xäbärdä älege säfärneň uzğan ay ütkärelgän ilbaşı saylawlarınnan soň Misırğa AQŞ tarafınnan yasalğan iň yuğarı däräcäle säfär buluı urın ala.

Gazet AQŞnıň Kerrynıň kilüenä ber kön qala Misırğa 572 million dollar külämendä xärbi yärdäm kürsätüen belderä.

“Akşam” gazetı “Bergama häm Cumalıkızık Dönya mirası isemlegendä” isemle xäbärendä Qatar başqalası Dohada bıyıl 38nçese oyıştırılğan Dönya miras komitetı cıyılışında UNESCOnıň Bursa Cumalıkızık häm Bergamanı Dönya mirası isemlegenä kertüen yaza.

Gazet isemlektä Törkiyädän 13 urınnıň buluın citkerä.

“Sabah” gazetı Volkswagen törkeme markalarınnan bulğan Seatnıň Törkiyä dä urın alğan yaňa bazarlarğa yünälüen xäbär itä.

Gazet şirkätneň Törkiyä, Meksika häm Aljir kebek illärdäge mal barlığın arttıru qararın qabul itüenä iğtibar cälep itä.

“Milliyät” gazetı Törkiyäneň 2014nçe yılda 397 zäňgär bayraqlı plyajı belän bar dönyada 4nçe buluın yaza.

Gazet Marmariz Turizm häm tirä-yaqnı saqlaw buyınça üzixtıyarlar törkeme başlığı Filiz Ersannıň zäňgär bayrağı bulğan plyajlardağı diňgezneň çista buluı häm kiräkle iminlek çaralarınıň kürelüen aňlatuın äytüen xäbär itä.

“Vatan” gazetı” Antalyadan ber köndä 169 meň yulçı oçtı” isemle xäbärendä Däwlät hawa mäydannarı idaräse ğomüm mödire Orhan Birdalnıň twitterda urtaqlaşqan mäğlümatnı citkerä.

Gazet ğomüm mödir Birdal birgän mäğlümatqa kürä Antalya hawa mäydanına ber köndä 971 oçqıçnıň kilep kitüen häm yulçı sanınıň isä 169 meň 122 buluın uquçıları belän urtaqlaşa.

“Milliyät” gazetı “Törek belgeçe çüldä su problemasın çişte” isemle xäbärendä Amerikada yäşäwçe törek belgeçe Şehmus Özden häm törkemeneň su problemasınıň çişeleşe öçen nano texnologiyane qullanıp, möhim açış yasawın yaza.

Gazet açış belän bäyle mäğlümat birgän Özdenneň: “Tabiğatkä yaxşılap küz salsaq, eçärgä yaraqlı suğa berqayçan da energiyağa ixtıyac toymıyça ireşüçe can iyälären kürä alabız. Mäsälän, Afrikada Namib çülendä yäşäwçe Stenocara isemle böcäk hawadağı su tamçıların arqasında häm qanatlarında cıya,” – digän süzlärenä urın birä.