Törek matbuğatına küzätü 06.06.2014

”Star”gazetı 4 nçe törki şuranıñ däwlät başlıqları yuğarı däräcäle oçraşuınıñ Törkiyä ilbaşı Abdullah Gül räislegendä Törkiyädä Muğlanıñ Bodrum ilçäsendä uzuın xäbär itä.

Gazet bıyılğı oçraşu temasınıñ turizm buluın, cıyılışta çığış yaswçı Törkiyä ilbaşı Abdullah Gülneñ “Turizm tarixi Yefäk yulı östenda urnaşqan illär arasında möhim urın alıp tora”dip äytkän süzlären dä citkerä.

“Akşam”gazetı Törkiyädä uzğan Törki telle illär xezmättäşlek şurasınıñ 4 nçe yuğarı däräcäle oçraşuında tağın da kübräk xezmättäşlek başqaru maqsatı quyıluı turında yaza.

Gazet illär arasında integratsiya tä’min öçen urtaq televideniye buldıru qararına kilenüen belderä.

“Yäni Şafak”gazetı “İstanbulğa turist ağıla” isemle xäbärendä Törkiyäneñ İstanbul qalasına ağımdağı yılnıñ berençe 5 ayında 4 million 292 meñ 582 turist kilüen citkerä.

Gazet bıyıl şähärgä kilgän turist sanınıñ uzğan yılnıñ şul uq çorı belan çağıştırğanda 8%qa artuına basım yasıy.

“Vatan”gazetı “İstanbul xalqı 1 lirağa ayaq kiyeme alaçaq” isemle xäbärendä dönyanıñ in zur säwdä häm küñel açu festivale bulğan “İstanbul Shopping Fest”neñ 7 nçe iyündä başlanaçağın xäbär itä.

Gazet markalarnıñ zur külämle taşlamalar yasayaçağın häm festival qısasında ayaq kiyemnäreneñ 1 törek lirasına satılaçağın ciitkerä.

“Sabah”gazetı “Yaxşı niyät ilçese eşkä kereşte” isemle xäbärendä tanılğan törek aktrisası Tuba Büyüküstünneñ UNİCEFnıñ yaxşı niyät ilçese bularaq berençe säfären Kiliskä yasawın belderä.

Gazet aktrisanıñ biredä illärendäge suğıştan qaçıp Törkiyägä sıyınğan süriyäle balalar belän oçraşuın citkerä.

“Xörriyät” gazetı “Äl Cäzirä” xezmätkärlärenä törmä cäzası” isemle xäbärendä Misırda tüntäreleş citäkçelegeneñ matbuğatqa basımnarınıñ däwam itüe turında yaza.

Gazet Misırda eşçänlege tıyılğan “Möselman qardäşlär”oyışmasına yärdam itü häm qotqı saluçı tapşırular alıp baru nigeznamäse belän “Äl Cazirä”neñ öç xäbärçesenä 15 yıldan alıp 25 yılğa qadär törmä cäzası soraluın uquçıları belän urtaqlaşa.