Mänämän yasıybız

“Mänämän” – Törkiyädä cäy aylarında yaratılıp aşawçı yomırqa täbäse. Bu aşamlıq Törkiyä häm Azärbaycan aş-sularına xas.

Kiräkle rizıqlar:

4 zur pomidor

2-3 yäşel borıç

2-3 yomırqa

1 zur suğan

1 aş qaşığı sıyıq may

Toz

Borıç

Yasalışı:

Podirlarnı ärçibez häm kub räweşendä turıybız. Borıçlarnı orlıqlarınnan çistartabız häm turıybız. Suğannı da waq-waq itep turıybız.

Tabağa sıyıq may salıp, suğan, borıçnı beraz qızdırabız. Annarı turalğan podimorlarnı tabağa salıp, tabanıñ östen qaplıybız häm äkren utta qızdırabız. Pomidorlar yomşarğannan soñ yomırqalarnı tuğlap, salabız. Tozlıybız, borıç östibez.

Yomırqa sarıların izmiçä dä quyarğa bula. Mänämänne petruşka belän bizärgä mömkin.

Aşlarığız tämle bulsın!