Bu könne närsälär bulğan?

Bügen 2020 nçe yılnıñ 23 nçe oktyabre. Bu kön tarixqa nindi waqıyğalar belän kerep qalğan soñ?

1956 yılnıň 23 nçe oktyabrendӓ Vengriyӓdӓ Sovetlar Berlege yawlawına qarşı baş kütӓrü başlana. Bar ilgӓ cӓyelgӓn çaralarda Sovet ğaskӓrilӓreneň ildӓn çığarıluı sorala. Sovetlar Berlege Vengriyӓne basıp alu qararı qabul itӓ hӓm Qızıl armiya başqala Budapeştnı qamap ala. Prem’yer-ministr İmre Nagy BMOdan yӓrdӓm sorıy, lӓkin kötelgӓn yӓrdӓm kürsӓtelmi. Yawlap aludan soň Sovetlar Berlege tarafınnan tözelgӓn yaňa Vengriya xökümӓte 300 dӓn artıq citӓkçe hӓm aktivistnı , şul isӓptӓn prem’yer-ministr İmre Naginı üterӓ. 1989 nçı yılda 100 meň keşe Naginı iskӓ alu tantanasında qatnaşa. Hӓm Vengriya dӓwlӓte Naginıň abruyın kire qaytara.

1983 yılnıň ӓlege könendӓ Livan başqalası Bӓyrutta Amerikan hӓm franŝuz tınıçlıq köçe ştablarına şartlatqıç töyӓlgӓn yök maşinaları belӓn höcüm oyıştırıla. Höcümdӓ 241 amerikan hӓm 58 franŝuz ğaskӓriye ülӓ.

2011 yılnıň 23 nçe oktyabrendӓ Törkiyӓ Cömhüriyӓte tarixındağı iň zur cirtetrӓwlӓrdӓn ikese Vanda ber-ber artlı barlıqqa kilӓ. 6,7 ball zurlığındağı berençe zilzilӓdӓn 18 kön uzuğa 7,2 ball zurlığında ikençe cirtetrӓw küzӓtelӓ. İke cirtetrӓwdӓ 644 keşeneň ğomere özelӓ, 4 meňnӓn artıq keşe yaralana.Van hӓm anıň tirӓ yağındağı ilçӓlӓrdӓ 3 meňgӓ yaqın bina cimerelӓ.