Zäytün yafrağı çäyeneñ faydaları

Zäytün yalqınsınunı beterä, qandağı şikär häm yuğarı qan basımnı töşerä, ateroskleroznı beterä, qandağı lipid däräcäsen töşerä, söyäk yuğaltunı totqarlıy, germiŝid, antioksidant häm yaman şeşkä qarşı täêsire bar.

Zäytün yafraqları da organizmğa bik faydalı. Zäytün yafraqları bawırnı saqlıy. Ayıruça isertkeç êçemleklärgä bäyle bawır maylanuına qarşı bulışa. Ütkärelgän tikşerenülär zäytün yafrağında bawır maylanuın azaytuçı täêsir buluın kürsätte.

Küzänäklärne qısqa waqıtta yañarta. Omega mayı kislotalarına bay zäytün yafrağı betçälärne çistarta häm şul uq waqıtta alardan qalğan êzlärne dä beterä. Yara, qızaru, qıçıtuda da bulışa. Yaralarnı mikroplardan çistartuda qullanıla. Bakteriya häm viruslarğa qarşı täêsirle.

Zäytün yafraqları çäçtäge qawaq problemasında faydalı. Yafraqlar çäç tiresendäge küzänäklärne açarğa da bulışa. Şul räweşle çäç tirese tiyeşle külämdä dımlanıp, çäçlär canlanıp, yaltırıy başlıy. Zäytün yafrağı suın çäç tiresenä massaj yasap sörtä alasız. Şulay uq bu suğa zäytün mayı da quşıp bula. Maynı sörtkännän soñ 30 minut totarğa kiräk.

Zäytün yafraqları iğtibar citmäw, bozılğan yoqığa qarşı yärdäm itä, üzäk nerv sistemasın köçäytä, aqıl êşçänlegen arttıra.

Ütkärelgän tikşerenülärgä kürä zäytün yafrağı çäye baş miye xastalıqlarınıñ başlanğıçın äkrenäytä häm Al’ŝgeymer, Parkinson kebek awırularnı buldırmıy.

Däwamlı zäytün yafrağı çäyen êçü qan tamırların çistarta, qan basımın cayğa sala. Qan ağımın tärtipkä kertkäne öçen yöräk öyänäge riskın azayta. E häm C vitaminnarı yärdämendä yöräk sälamätlegen saqlıy, xolesterinnı tözätä.

Zäytün yafrağı çäye insulin rezistenlığın tigezli. Monıñ öçen irtän häm kiç bu çäyne êçü kiñäş itelä.

Diabet xastalarınıñ da tormış sıyfatın yaxşırta.

Çäy awırtunı basa häm muskullarnı tınıçlandıra. Muskul häm baş awırtularında bu çäyne êçärgä bula.

Şulay uq infekŝiyalärne beterä. Öske sulış yulları häm sidek yullarındağı awırularda qullanıla.

Söyäklärdä barlıqqa kilä alaçaq infekŝiyalärne buldırmıy.

E vitaminı häm antioksidant maddälärgä bay bulğan zäytün yafrağı çäye immunitetnı nığıta. Xastalıq riskın kimetä.

Zäytün yafrağı çäye êçäkleklärgä dä faydalı. Şeşenügä qarşı bulışa häm awırlıqnı kontrol’da totuda qullanıla.

Êç kipkändä aşqazanın ciñeläytä. Antioksidantlar yärdämendä organizmnı toksinnardan çistarta. Tuqlıq xisen birä.

Zäytün yafrağı çäyen niçek peşerergä kiräk?

Monıñ öçen 1 çäy qaşığı kipterelgän zäytün yafrağı häm 200 ml qaynar su alabız.

Berençe reŝeptka kürä ber çäşke yäisä stakan qaynar suğa 6-10 gram yafraq salabız. 10 minut qaplap totqannan soñ sözep êçäbez.

İkençe reŝeptta 6-10 gram kipkän yafraqqa 150 ml qaynar su salabız häm 15-20 minut qaplap totqannan soñ sözäbez.

Äzerlängän çäyne könenä 3 tapqır êçäbez. Könlek doza 30 gramnan artıq bulmasqa tiyeş.

Öçençe reŝeptta 10 gram kipterelmägän yäisä 5 gram kipterelgän yafraqnı 150 ml suda qaynatabız. Su miqdarı 100 ml qalırğa tiyeş. Sözäbez häm bu çäyne könenä 2 tapqır êçäbez.

Läkin zäytün yafrağı çäyen 6 yäş’tän keçkenälärgä êçärgä quşmıylar. Şulay uq allergiyase bulğannarğa, böyer häm yöräk awırtularında bu çäy tıyıla.

Zäytün yafrağı çäye awırlı häm imezüçe äni keşelär öçen dä risklı bula ala. Qan basımı yuğarı bulğannar tabibları belän kiñäşläşergä tiyeş.

Operaŝiya kiçerüçelär häm xronik bularaq daru qullanuçılarğa da bu çäydän taypılu zarur.

Çäyne êçkän waqıtta qıçınu yäisä küñel bolğanu küzätelsä, çäy êçüne tuqtatırğa kiräk.

Zäytün yafrağı çäyen niçek häm niçä kön êçärgä bula?

Bu çäyne könenä 2-3 tapqır êçärgä yarıy. Täêsirlären kürü öçen kim digändä 2 ay êçärgä kiräk.

Avtor – tabib Mäxmät Uçar