Aтaтөрeк Тaтaрстaндa дa искә aлынды / Atatörek Tatarstanda da iskä alındı

Fotosürättä Törkiyäneñ Qazandağı baş konsullığında oyıştırılğan iskä alu çarası

Atatörek Tön’yaq Kipr Törek Cömhüriyätendä cıyınnar belän iskä alındı. Başqala Lefkoşada ütkärelgän tantanada Tön’yaq Kipr Törek Cömhüriyäte İlbaşı Ärsin Tatar belän bergä yuğarı däräcäle däwlät êşlekleläre qatnaştı.

Azärbaycan başqalası Baqıda iskä alu cıyını oyıştırıldı. Tantanada Törkiyäneñ Baqı tulı wäqalätle ilçese Cahit Bağcı, ilçelek xezmätkärläre, törek oyışmalarınıñ wäkilläre belän törek uqu yortlarınıñ uquçı yäş’läre qatnaştı.

Säğät 09:05tä ber minut tın tırılğannan soñ ilçelek binasındağı törek bayrağı yartılay töşerelde.

Atatörek wafat buluınıñ 83 yıllığı mönäsäbäte belän Paqıstan başqalası İslamabadta iskä alu cıyını ütkärelde.

"10nçı noyabr’ Atatörekne iskä alu köne” qısalarında Törkiyäneñ İslamabad ilçelegendä uzdırılğan cıyında tulı wäqalätle ilçe İhsan Mostafa Yurdakul, ilçelek xezmätkärläre häm törek oyışmalarınıñ wäkilläre qatnaştı.

Tön’yaq Makedoniya başqalası Skop’yedä, Qazaqstan başqalası Nursoltanda häm Ğıyraqnıñ Ärbil qalasında da Atatörekne iskä alu cıyınnarı ütkärelde. Cıyınnarda tın torıldı, Törkiyä gimnı başqarıldı.

Qıtay başqalası Pekindäge tantana Törkiyä ilçelegendä oyıştırıldı. Cıyında olı yulbaşçınıñ sürätlärennän torğan videoyazma täq’dim itelde.

İskä alu cıyını qısalarında ilçelek baqçasındağı Atatörek häykälenä rozalar salındı. 

Törkiyä Cömhüriyäteneñ tözüçese Atatörek Awstraliyada da iskä alındı.

Awstraliya başqalası Kanberra belän Sidney, Melbourne häm Brisbane şähärendä cıyınnar oyıştırıldı.

Brisbane şähärendäge tantana Atatörek häykäle aldında ütkärelde.

Törkiyä Cömhüriyätenä nigez saluçı Atatörek Tatarstan başqalası Qazanda da iskä alındı. Törkiyäneñ Qazandağı baş konsullığında oyıştırılğan iskä alu çarasında Tatarstanda yäşäwçe törek watandaşları, uquçı yäş’lär häm konsullıq xezmätkärläre qatnaştı.

Fotosürät Törkiyä Cömhüriyäteneñ Qazan baş konsullığı säxifäsennän alındı.