Rifat Säläx: “Millättäşlärebez öçen Törkiyä ber sıyınu urını”
Tatarstan xäbärläre 53/2023
Тaтaрстaн xәбәрләрe / Tatarstan xäbärläre 53/2023
Tatarstan başqalası Qazannan tatar şağire, Törkiyä Yazuçılar berlegeneñ Namık Kemal büläge iyäse, Tatarstannıñ Musa Cälil isemendäge respublika premiyäse laureatı, Tatarstan kitap näşriyätınıñ Balalar häm yäşüsmerlär, maxsus proyıktlar redakśiyäse (редакциясе) möxärrire Rifat Säläx belän äñgämä.
“Tatarstan İlbaşı Röstäm Miñnexanov Törkiyägä yış yöri. Prezident Räcäp Tayyip Ärdoğan belän dä oçraşıp yöri. Küp kenä millättäşlärebez, watandaşlarıbız Törkiyä qoçağına sıyındı.
Nindi genä wazğıyät bulmasın, millättäşlärebez öçen Törkiyä ber sıyınu urını. Ul qan xäterendä ük bar. Tatar qızların da törek yegetläre (егетләре) êläkterep tora. Êlemtälär (Элемтәләр) yuğalmıy.
Älbättä, Törkiyä xalqı da bezne üz itä. Ğomumän, Änkarada öç ay yäşäp qaytqan keşe bularaq, törek xalqınıñ yuğarı äxlaqlı, ädäple xalıq buluı belän mine soqlandırdı. Nindider çitkä êtärü, sin yabancı (çit keşe) dip äytüçe bulmadı da. Kiresençä, sin niçek şulay matur törekçä söyläşäseñ digäç, min üzem dä törek bit, tatar törke diyä idem.
Tışqı qıyäfät yağınnan da artıq töreklärdän ayırılıp tormıybız, telebez dä bik yaqın. Minemçä, bez barıber ber xalıq, ber millät, ä iñ möhime möselmannar.
Törkiyädä yäşäwçe millättäşläremä ana telebezne onıtmıyça, dinebezgä nıq totınıp yäşäwlären telär idem. Törkiyä xalqına, ğomumän, bäxet telim. Cir teträw kebek, yanğınnar kebek qurqınıçlardan barıbıznı da Allah Täğalä üze saqlasın. Törkiyägä bäla kilsä, här tatar keşeseneñ yöräge ärni, Rusiyägä taralıp yäşäwçe tatar xalqına bäla kilsä, här törek keşeseneñ dä yöräge ärni torğandır. Ber-berebezne añlap, yaratıp yäşik!”
Rifat äfände belän tatar telendä balalar kitapları häm tatar teleneñ bügenge torışı turında da söyläştek.
Üzeneñ şiğırlären dä uqıp kürsätkän Rifat Säläx belän äñgämäne TAWIŞ UYNATQIÇINNAN tıñlıy alasız.
-----------------------------------------------------------------------------------------------
Рифaт Cәләx: “Милләттәшләрeбeз өчeн Төркия бeр сыeну урыны”
Тaтaрстaн бaшкaлaсы Кaзaннaн тaтaр шaгыйрe, Төркия Язучылaр бeрлeгeнeң Нaмык Кeмaль бүләгe иясe, Тaтaрстaнның Мусa Җәлил исeмeндәгe рeспубликa прeмиясe лaурeaты, Тaтaрстaн китaп нәшриятының Бaлaлaр һәм яшьүсмeрләр, мaxсус прoeктлaр редакциясе мөxәррирe Рифaт Сәләx бeлән әңгәмә:
– Татарстанның илбашы Рөстәм Миңнеханов Төркиягә еш йөри. Президент Рәҗәп Тайип Эрдоган белән дә очрашып тора. Күп кенә милләттәшләребез, ватандашлырыбыз Төркия кочагына сыенды.
Нинди генә вазгыять булмасын, милләттәшләребез өчен Төркия бер сыену урыны. Ул кан хәтерендә үк бар. Татар кызларын да төрек егетләре эләктереп тора. Элемтәләр югалмый.
Әлбәттә, Төркия халкы да безне үз итә. Гомумән, Анкарада өч ай яшәп кайткан кеше буларак, төрек халкы югары әхлаклы, әдәпле халык булуы белән мине сокландырды. Ниндидер читкә этәрү, син ябанҗы дип әйтүче булмады да. Киресенчә, син ничек шулай матур төрекчә сөйләшәсең дигәч, мин үзем дә төрек бит. Татар төрке дия идем.
Тышкы кыяфәт буенча да артык төрекләрдән аерылып тормыйбыз, телебез дә бик якын. Минемчә, без барыбер бер халык, бер милләт, ә иң мөһиме мөселманнар.
Төркиядә яшәүче милләттәшләремә ана телебезне онытмыйча, динебезгә нык тотынып яшәүләрен теләр идем. Төркия халкына, гомумән, бәхет телим. Җир тетрәү кебек, янгыннар кебек куркынычлардан барыбызны да Аллаһы Тәгалә үзе сакласын. Төркиягә бәла килсә, һәр татар кешесенең йөрәге әрни, Русиягә таралып яшәүче татар халкына бәла килсә, һәр төрек кешесенең дә йөрәге әрни торгандыр. Бер-беребезне аңлап, яратып яшик!
Tatarça podkastlar (тавыш язмаларыбыз)
