Tatarstan xäbärläre 46/2023
Tatarstanda häm tatar dönyasında bulıp uzğan qayber waqıyğalarğa qısqaça küzätü
Fotosürättä Tatarstan Räise Röstäm Miñnexanov Kon’ya qalasında Türkiyädä (Төркиядә) ğomer itüçe seber tatarları belän äñgämä waqıtında. Naci İdil fotosüräte.
Röstäm Miñnexanov Türkiyägä (Төркиягә) êş säfärenä kilde
Tatarstan Räise Röstäm Miñnexanov Türkiyäneñ (Төркиянeң) Konya (Конья) şähärenä êş säfärenä kilde. Aêroportta anı Konya (Конья) vilayäte gubernatorı Vahdettin Özkan qarşı aldı.
Tatarstan Türkiyä (Төркия) iqtisadında möhim urın alıp torğan häm ilneñ awıl xucalığı üzäge bulğan Kon'ya vilayäte belän xezmättäşlekne nığıtırğa niyätli. Bu xaqta Tatarstan Räise Röstäm Miñnexanov vilayät başlığı Vahdettin Özkan belän oçraşuda belderde.
Tatarstan-Türkiyä (Төркия) xezmättäşlegeneñ bay tarixı häm nıqlı nigeze bar, dip iskärtä respublika citäkçese. Anıñ süzlärençä, uzğan yl töbäklär tovar äyläneşen 2 tapqır 1,2 milliard dollarğa qadär üstergän. "Bıyıl üseş tendenŝiyase däwam itä (тeндeнциясe дәвaм итә)", - dip ışandırdı Tatarstan Räise.
Miñnexanov: “Bezgä êlemtälärne aktivlaştırırğa kiräk. Säwdä-iqtisadi xezmättäşlekne üsterü öçen potenŝial (потенциал) bik zur. Bezdä urtaqlıqlar küp,” – dide häm agrosänägat’ kompleksı, mädäniyät, turizm, fän häm mäğarif ölkälärendäge xezmättäşlekneñ töp yünäleşlären atadı.
Vahdettin Özkan Röstäm Miñnexanovka Konyağa (Коньяга) säfäre öçen räxmät belderde, Tatarstannıñ Rusiyäneñ aldınğı töbäkläreneñ berse buluın bilgeläp ütte.
Qaban küle yar buyında İlham Şakirovnıñ kul’t cırları yañğırayaçaq
29 iyul’dä Qaban küle buyında İlham Şakirovnıñ trib’yut-konŝertı (концерты) bula. Yummy Music (Myuzik) leyblı artistları kürenekle tatar cırçısınıñ kul’t cırların başqaraçaq.
İcat kiçäse 19.00 sägät’tä başlana, şul waqıtta didjey Malsi Music maxsus set belän çığış yasayaçaq. 20.00 sägät’tä säxnägä Yummy Music (Myuzik) Band çığaçaq. Alar sostavında Alinä Şäripcanova, Artur İslamov, Êl’za (Эльза) Zayari, İlgiz Şäyxrazıyev häm Êl’vira (Эльвира) Miftaxova bar. Kollektivnıñ berençe singlın – “Kerfekläreñ sineñ nigä qara” xalıq cırın – muzıkal’ mäydançıklarda tıñlarğa bula. Êşneñ (Эшнең) üzençälege şunda ki, ul canlı sostav belän ber dubl’dan yazdırılğan.
Şähär xalqın Ğ.Qamal teatrı yağınnan töşü yulında kötäçäklär, dip xäbär itä Qazannıñ parklar häm skverlar direkŝiyase.
Meñlägän sportçı Qazanğa Bötenrusiyä uram uyınnarına kilde
“Uram” êkstrim-parkındağı Yäş’lär sportı üzägendä Bötenrusiyä uram uyınnarı uzdı. Qazanğa sport bäyrämenä ilneñ 56 töbägennän 1200gä yaqın sportçı kilde. Çaranı Rusiyäneñ Sport ministrlığınıñ Fizik kul’tura häm massaküläm sport departamentı mödire Maksim Urazov açtı.
İke kön däwamında (дәвамында) 15-16 iyul’dä Rusiyäneñ 56 sub’yektınnan, şul isäptän Mäskäw, Sankt-Peterburg, Vladivostok, Kaliningrad, Älmät, Yäşel Üzännän kilgän 1271 qatnaşuçı sportnıñ êkstremal’ törlärendä üz ostalığın kürsätte. Bıyıl sportçılar arasında 333 komplekt medal’ uynatıldı. Turnirnıñ priz fondı 4 million sum täşkil itä.
Qazanda Wäliulla xäzrät Yakupovnı iskä alu çaraları uzaçaq
19 iyul’dä Qazanda tanılğan tatar din häm cämäğat’ êşleklese, tarixçı, Apanay mäçeteneñ imam-xatıybı Wäliulla xäzrät Yakupovnı (1963-2012) iskä alu çaraları uzaçaq. İsän bulsa, aña bıyıl 4nçe sentäbr’dä 60 yäş’ tulır ide.
19 iyul’dä irtäñge 08.00dä ber törkem din ähelläre, Wäliulla xäzrätneñ yaqın dusları, fikerdäşläre Qazannıñ Samosırovoda urnaşqan Möselman ziratında Wäliulla xäzrätneñ qabere yanına cıyılaçaq. Alar Qor’än uqıp, doğa qılaçaq. Bu xaqta Tatarstannıñ Diniyä näzaräte matbuğat xezmäte xäbär itä.
Annan soñ Apanay mädräsäsendä Tatarstanda iğlan itelgän Milli mädäniyätlär häm ğoref-ğadätlär yılı qısalarında “Tatar telen saqlap qaluda häm anıñ üseşendä “İman” näşriyatınıñ kertkän öleşe: tarix häm xäzerge zaman” dip isemlängän konferenŝiya uzaçaq.
“Tayan Allahka” ädäbi bäygesenä êşlärne qabul itü däwam (дәвам) itä
Tatarstan möftiyäte Rusiyä İslam institutı häm “İdel” jurnalı belän berlektä “Tayan Allahka” Bötenrusiyä ädäbi bäygesenä icadi êşlär qabul itü däwam itä. Älege konkurs Russiyä Federaŝiyasendä (Федерациясендә) yäşäwçe tatarlar arasında talantlarnı barlaw häm berläşterü, alarnıñ icadi êşçänleklären üsterü maqsatınnan uzdırıla. Bu xaqta Tatarstannıñ Diniyä näzaräte matbuğat xezmäte xäbär itä.
Bügenge köndä bäygene oyıştıruçılar 30lap avtornıñ icadi êşlären qabul itep aldı. Alar Rossiyaneñ törle töbäklärennän kilep ireşte.
Bäyge 3 nominaŝiyadä ütä: şiğriyät, çäçmä äsär häm publiŝistik yazma.
Bäygedä Rossiyadä yäşäwçe 10 yäş’tän alıp 60 yäş’kä qadär telägän här keşe qatnaşa ala. Töp şart bulıp alarnıñ icat êşe belän professional’ räweştä şöğıl’länmäwe tora.
Bilgele bulğança, 2010 yıldan ütkärelä torğan “Tayan Allahka” ädäbi bäygesen tanılğan tatar mäğrifätçese, ğalim häm din êşleklese Wäliulla xäzrät Yakupov başlap cibärgän ide.
