Türkiyäneñ ayırmalı cimeşe -"Bayramiç ağı"
Bolarnı beläsezme? 20/2023
Bolarnı beläsezme? 20/2022
Bayramiç ağı isemle nektarinnıñ barı tik Türkiyädäge Qaz tawlarında üsüçe êndemik tör buluın belä idegezme?
Anadolunıñ könbatışında mifologik iseme İda bulğan Qaz tawlarınıñ tön’yaq itäklärendäge Çanakkaleneñ Bayramiç rayonında üsüçe Bayramiç ağı cimeşe nektarin törennän. Täme häm ise belän qalğan nektarin törlärennän ayırılıp toruçı bu cimeşneñ Qaz tawlarınnan kilüçe urman hawası belän diñgezneñ yodlı häm kislorod miqdarı yuğarı bulğan hawası yärdämendä tiñsez läzzäte bar. Bayramiçtäge bu mikro klimat arqasında Bayramiç ağınıñ başqa urında citeşüe mömkin tügel.
Töse, täme häm xuş ise belän 2013 yılda Bayramiç ağı iseme belän Türkiyädä geografik yaqtan terkälgän cimeş 2021 yılnıñ 16 aprelendä Awrupa Berlegeneñ Räsmi gazetında açıqlanıp, Türkiyä Awrupa Berlegennän geografik terkäw alğan 7nçe produkt buldı. 7000 m2 mäydanda cıyıluçı nektarin qalğan nektarinnarğa küra ozaq waqıt saqlana.
Xuş isle Bayramiç ağı cimeşe sälamätlekkä bik faydalı. Antioksidant çığanağı bularaq şeşlär häm qalın êçäge yaman şeşe belän ber rättän qayber yaman şeş törlärenä kirtä quya aluçı tabiğıy quşılmalarğa iyä bulğan bu nektarin töre tübän kaloriyale bulğanı öçen yabığırğa teläwçelär öçen dä iskitkeç cimeş bulıp tora. Lyutein yärdämendä küz sälamätlegen saqlawçı täêsir dä tudıra. Bayramiç ağı tän sälamätlegenä dä öleş kertä, şulay uq xuşbuy sänägätendä dä qullanıla. Bu üzençälekläre beläñ Türkiyäneñ êksport produktlarınnan berse bularaq zur taläp kürä.
