Bazilika śisternası - İstanbulnıñ simvolı

İstanbulnıñ simvol qorılmalarınnan berseneñ Bazilika śisternası buluın belä idegezme?

            Anı 6nçı ğasırda Vizantiya imperatorı Yustinian Berençe saray xalqı häm tirä-yün’dägelärneñ suğa ixtiyacın qanäğat’länderü öçen yasatqan. Bazilika śisternası İstanbulnıñ iñ zur yabulı śisternası. Sunıñ êçennän qalqıp çığuçı häm isäpsez-xisapsız şikelle kürenüçe märmär kolonnalar arqasında mähabät qorılmanı xalıq “Cirgä batuçı saray” dip tä atıy.   

Śisterna 80 meñ tonna su saqlıy ala. Ul yaqınça 1 meñ kvadrat metr mäydannı qaplıy torğan turı poçmaqlı zur qorılma. Ozınlığı 140 metr, kiñlege - 70 metr.

Śisterna Ğosmanlı çorında berençe tapqır tözätelä. Cömhüriyät tözelgännän soñ da anı qarap-tözätep toralar. 1985nçe-1987nçe yıllar arasında yasalğan külämle tözekländerü häm çistartu êşçänlege waqıtında Bazilika śisternasınıñ iñ ähämiytle simvolı - Meduza başı töşerelgän bloklar tabıla.

Muzey-qorılma üz tarixındağı iñ zur restavraśiyä belän nığıtılıp, 2022nçe yılnıñ 22nçe iyülendä qabat açıldı. Sonğı tözekländerüdä ütä kürenmäle, ciñel yörü platforması quyıldı. Anıñ yärdämendä üzençälekle ostalıq belän êşlängän idännär açıldı. Xäzer turistlar 5nçe ğasırdağı ostalarnıñ imzaları quyılğan taş kirpeçlärne häm 10 metr biyeklektäge śisternanı böten mähabätlelege belän kürä ala.  

Bazilika śisternasına çit ildän dä, cirle turistlar da küp kilä. Biredä, xätta, konśertlar häm şow-tamaşalar uza.