Ançous balığı

Türkiyädä ançousnıñ ayıruça möhim balıq buluın bela idegezme?

Dön’yanıñ här poçmağında tanılğan ançous Türkiyäneñ Qara diñgez töbägendä ayıruça möhim balıq bulıp tora.

Türkiyädä Qara diñgez digäç uyğa berençe itep ançous kilä. Bu balıq - mondağı xalıq öçen waz kiçelmäs produkt. Bar dön’yada buluına qaramastan mondağılar qadär yaratmıylar anı. Qara diñgez töbägendä ançous balıqçılar öçen töp yäşäw çığanağığ ğına tügel, şul uq waqıtta simvoldır. Ayıruça yar buyındağı töbäklärdä yäşäwçe Qara diñgezlelär mäxäbbät, yarsu, ayırılunı añlatuçı cırlarda, mäqal’lärdä, aforizmnar, anekdotlarda ançous balığın qullana. Ançous muzıkadan alıp ädäbiyatka, fol’klordan alıp säyäsätkä, iqtisadtan alıp sportka qadär Qara diñgez keşese tormışında ilham çığanağı bulıp tora.

Könçığış Qara diñgez töbägendä oktäbr’ ayınıñ ikençe atnasında balıqçılar doğalar uqıp, qorban çalıp, balıq totarğa kitä. Türkiyäneñ här cirendä yaratularına qaramastan Qara diñgez aş-suları häm mädäniyäteneñ waz kiçelmäs öleşe bularaq yänä iñ küp biredä qullanıla ançous. Miçtä peşerep, tabada qızdıralar anı. Pılaw da yasıylar xätta. Aşı, kotletı salatı da bar. Ançouslı bökkän, pidä, kukuruz ipiyen dä peşerälär. Bu balıqnı desertlarda da qullanalar xätta. Päxläwäse, qaynatması da bar anıñ. Üsep citkän qızlar ançouslı pılaw yasıy belergä tiyeş ikan.