Ğıyraq prem'yer-ministrına höcüm

Ğıyraq prem’yer-ministrı Mostafa êl-Kazımineñ öyenä qorallı keşesez hawa apparatları belän höcüm oyıştırıldı. İminlek çığanaqları yasağan açıqlawğa kürä Bagdatnıñ saqlanğan yäşel urınında urnaşqan yort 3 qorallı keşesez hawa apparatları belän maqsat itep alındı. Yortqa zur zıyan salındı, prem’yer-ministr Kazımi yaralanmadı. Bu höcüm İranğa yaqın suğışçılar prem’yer-ministrğa yanağannan soñ çınğa aşılrıldı häm bar iğtibar êçke konfliktka yünälde.

Saylawlardan soñ Ğıyraqta säyäsi xaos häm totrıqsızlıq äkrenläp üsä barğanda ayıruça saylawlarda ciñelgän İran xuplawındağı şiğıy suğışçıları xärbi köçlären mäydanda qullana başladı. Monıñ soñğı adımı Ğıyraq xökümät räise Mostafa êl-Kazımi yortınıñ qorallı keşesez hawa apparatları belän maqsat itep alınuı buldı. Ğıyraqlı iminlek räsmi zatları häm qorallı törkemnärgä yaqın çığanaqlar prem’yer-ministr Mostafa Kazımi öyenä oyıştırılğan höcümneñ İran xuplawındağı qorallı ber törkem tarafınnan oyıştırıluın däğwa itte. İsemnärne açıqlamaw şartı belän xalıqara matbuğatqa açıqlaw yasağan çığanaqlar höcümdä qullanılğan qorallı keşesez hawa apparatları häm şartlatqıçlarnıñ İranda yasaluın äytte.

Kazımigä qarata höcümgä bar dön’ya zur reakŝiya belderde. Şaqtıy il höcümne ğayepläde, BMO İminlek Şurasınıñ 15 äğzase dä açıqlaw yasap, Kazımi öyeneñ qorallı keşesez hawa apparatları belän maqsat itep alınuın qırıs räweştä ğayepläp, höcümçelärneñ qulğa alınuı häm xökemgä tartıluı zarurlığın citkerde. Barlıq illärgä Ğıyraq xökümäte belän xezmättäşlek başqarırğa çaqıruı yasaldı.

AQŞ Ğıyraqtan äkrenläp çigengändä barlıqqa kitergän köç buşlığın İran tutırırğa cıyına, Ğıyraqlı millätçe dairälär Mukteda êl Sadr xäräkäte belän ber rättän İrannıñ bu höcümenä kirtä quyarğa tırışa. Saylawlarda da Sadr barlıqqa kitergän koaliŝiyaneñ ciñü yawlawın häm sönnilärneñ dä küp tawış cıyuın İranğa yaqın Xaşdi Şaabi törkeme qabul itä almadı kebek. Säyäsättäge bu wazğıyät’ne kompensaŝiyaläw öçen qullarındağı qoralnı qullanalar. Bagdat belän ber rättän şaqtıy urında urnaşqan bu törkemnär Kazımi häm Ğıyraq armiyasenä yanıy. Ğıyraqta İran da êçlärendä bulğan citdi köç köräşe küzätelä. İldä qısqa waqıtta yaña säyäsi xaqimiyätneñ şäkellänüe häm üzäk armiyaneñ Xaşda bäyle suğışçı köçlären qoralsızlandıruı kiräk. Yuğıysä bäreleşlär tağın da üsep, watandaşlar suğışına äylänä ala.

Säyäsi, iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acun