AQŞta berençe Atatörek häykäle
Bolarnı beläsezme? - 69
Amerika Quşma Ştatlarında cämäğat’çelekkä açıq mäydandağı täwge Atatörek häykäleneñ başqala Vaşingtonda buluın beläsezme?
Anıñ açılışı Mostafa Kämal Atatörekneñ ülemeneñ 75 yıllığında - 2013nçe yılnıñ 10nçı noyabrendä bula. Häykäl Vaşingtonnıñ iñ möhim mäydannarınıñ bersendä – Şeridanda urnaşqan.
Ozaq häm awır prośesstan soñ Törkiyäneñ AQŞtağı ilçelege häm Amerikadağı törek cämäğat’çelege häykälneñ dizaynı öçen yarış oyıştıra. Anda sınçı Djeffri Xoll ciñep çığa. Ul Atatörek turında bik küp belmi. Şuña kürä lidernıñ üz-üzen totışın häm xäräkätlären kürsätüçe yözlärçä fotoräsem häm iske videolarnı qarıy. Şulay itep, sınçı Atatörekneñ häybät torışı häm tışqı qıyafäte belän tanışa.
Häykäl 6 ayda yasala. Ul qulına kitap totqan 40 yäşendäge Atatörekne tasvirlıy. Äsärdä anıñ lider rolenä basım yasala. Qulındağı kitabınıñ tışına “Notıq” dip yazılğan.
Atatörek häykäle Vaşingtonnıñ Êmbassi Row cirlegendä Törkiyä ilçelege rezidenśiyäse qarşındağı xalıq öçen açıq ber mäydanda tora. 75 ilçelek, konsullıq arasındağı bu urın turistlar küp yörüçe noqtalarnın berse.
