Bu könne nilär bulğan?

1921 nçe yılda älege könne Sevr kileşüen üzgärtü öçen Londonda konferenśiya cıyıla. Ämma anda kileşü täêmin itelmi.

1944 nçe yılnıñ 23 nçe fevralendä Sovetlar Berlege rejimı çäçän häm inguş xalıqların Urta Aziya dalalarına häm Sebergä sörä başlıy. Yaqınça 500 meñ çäçän häm inguş awır şartlarda säfärgä mäcbür itelä. 13 yıldan soñ kire qaytularına röxsät birelgändä bu keşelärneñ öçtän ber öleşeneñ ülüe farazlana.

1945 nçe yılnıñ 23 nçe fevralendä Törkiya naśist Germaniya häm Yaponiya imperatorlığına suğış iğ’lan itä.

1997 yılda bu könne Şotlandiyadağı Roslin İnstitutında berençe tapqır imezüçe xayvan klonlaştırıla. Mäşhür sarıqqa Dolli isemen quşalar.