Bu könne närsälär bulğan?

--- 1905nçe yılnıň 9nçı ğinwar’ (ğıynvar’) könne Rusiyädä Patşa 2nçe Nikolaynıň Sankt-Peterburgtağı Qışlıq sarayınıň aldında cıyılğan meňnärçä êşçegä, xatın-qızğa häm balaçağağa iminlek köçläre ut aça. Rusiyä tarixına “Qanlı yäkşämbe” dip uzğan waqiğada (waqıyğada), räsmi sannarğa kürä, 139 keşeneň ğomere özelä. “Qanlı yäkşämbe”dän soň êşçelär ğomum êş taşlaw çarasın başlata. Yaponiya belän xökem sörgän suğış häm êş taşlawlar arqasında ildä säyäsi krizis başlıy.

--- 1964nçe yılnıň şuşı könendä Panama kanalı häm tirä-yağınıň idaräse mäs’äläsendä cirle xalıq belän Amerika Quşma Ştatları arasında kilep çıqqan kileşmäwçänlek qorallı bäreleşlärgä äylänä. Kilep çıqqan waqiğalarda (waqıyğalarda) 21 panamalı häm 3 amerikan ğaskäriye ülä.

 --- 1964nçe yılnıň 9nçı ğinwarendä törek milläteneň azatlıq suğışın “Törekneň ut belän imtixanı” , “Uttan külmäk” isemle romannarı belän aňlatqan yazuçı Halidä Ädip Adıvar 80 yäşendä İstanbulda wafat bula. Halidä Ädip ire Adnan Adıvar belän Azatlıq suğışında da turıdan-turı üze qatnaşa häm başta starjina, annan soň “serjant” däräcäsen ala.