Adana käbabı

Törek aş-suları 45

Adana käbabı

 

 

Yaqın Könçığışta kiñ taralğan rizıqlarnıñ berse - käbap. Ul ğäräp telendä “peşkän, qızdırılğan” digän mäğ’nägä turı kilä.  Könçığış häm Yaqın Könçığış illärendä bik yaratıp aşalğan käbaplar törek kuxnyasında da üz urının alğan. Törkiyädä här vilayät’neñ diyärlek üz käbabı bar. Ämma käbapları belän mäşhür bulğan vilayat’lär kön’yaq häm kön’yaq-könçığıştağılar. Bolar arasında iñ kiñ tanılğanı – Adana käbabı. Törkiyäneñ kön’yağında urnaşqan häm ilneñ 6 nçı zur vilayäte bulğan Adananıñ üzenä bertörle käbabın ildäge här käbapçıda diyärlek oçratırğa bula. Bügen sezgä Adana käbabı reśeptın täq’dim itäbez.

 

 

Adana käbabın äzerlärgä kereşkänçe kiräkle äyberlärne sanap kitik:

350 gramm tarttırılğan sıyır ite

300 gramm tarttırılğan bäti ite

1 teş sarımsaq

2 suğan

yartı çäy qaşığı qızıl borıç

yartı çäy qaşığı qara borıç

1 aş qaşığı äçe qızıl borıç pastası

yartı bäyläm petruşka

 

Ä xäzer käbapnı äzerläwgä kereşäbez. Suğannarnı şaqmaqlap turıybız. Suın sığıp ber sawıtqa salabız. Sarımsaqnı izep suğanğa quşabız.İke törle tartqan itne suğan häm sarımsaq belän quşıp bolğatabız. Aña qızıl borıç, qara borıç häm äçe borıç pastasın quşabız.Sıyıq may östibez. Petruşkanı waqlap turap qatnaşmağa salabız häm anı suıtqıçta 2-3 säğät’ totabız.Gaz miçen 200 gradusqa qadär  cılıtabız. Gril’ taqtasın maylıybız, it qatnaşmasın şaşlık tayaqlarına tezäbez häm alarnı gril’ taqtasına quyp 20-25 minut peşeräbez. Aşlarığız tämle bulsın. 

 

 



Bäyläneşle xäbärlär