Bu könne närsälär bulğan?

Bügen 2019 nçı yılnıñ 23 nçe fevrale. Bu könne tarixta nindi waqıyğalar bulğan soñ?

1904 nçe yılda bu könne Amerika Quşma Ştatları 10 million dollarğa Panama kanalı töbäge kontrolen satıp ala.

1918 nçe yılnıñ 23 nçe fevralendä Lev Trośkiy Qızıl armiyäne tözi. Ul 1946 nçı yılda Sovet sośialistik cömhüriyätlär berlege Qorallı Köçläre itep üzgärtelä.

1919 nçı yılda älege könne Benito Mussolini İtaliyada Faşist partiyäsen tözi.

1921 nçe yılnıñ 23 nçe fevralendä Sevr kileşüen üzgärtü öçen Londonda konferenśiya cıyıla. Ämma anda kileşü täêmin itelmi.

1944 nçe yılnıñ 23 nçe fevralendä Sovetlar Berlege rejimı çäçän häm inguş xalıqarın Urta Aziya dalalarına häm Sebergä sörä başlıy. 500 - 700 meñ çäçän häm inguş awır şartlarda säfärgä mäcbür itelä. 13 yıldan soñ kire qaytularına röxsät birelgändä bu keşelärneñ öçtän ber öleşeneñ ülüe farazlana.

1945 nçe yılda bu könne Törkiyä belän Amerika Quşma Ştatları ike yaqlı yärdäm kileşüenä qul quya.

1945 nçe yılnıñ 23 nçe fevralendä Törkiya naśist Germaniya häm Yaponiya imperatorlığına suğış iğ’lan itä.

1994 nçe yılda älege könne kesä telefonnarı çeltärläre xezmät birä başlıy. Törkiyädä täwge tapqır kesä telefonınnan söyläşü tormışqa aşa.