Nogayşa 167: Şükür (2)

►Nogayşa 167: Şükür (2)

Şükür baresinde aytılgan  

Bazı yahşı manelerden

Qalganlardı nasip bolsa     

Aytalsaq yahşı bolgan:

 “Em kene körgenimiz, 

Nav insaniyet alemi, 

Atta ayvan alemi,

Baresi bîr tögerek 

Ökmünde tüzetilgen...

Sosınlardıñ ortasına   

Rızıqlar salıngan:

Quday’ımız Rab Allah,  

Barı savlay insandı,  

Atta barı hayvandı,

Sankim rızıqqa aşıq etip  

Baresini so rızıqqa, 

Bîrer qızmatşı etip

Rızıq emrine bergen...

Rızıqtı baresine, 

Söz iyyesi etken... 

Ayvanlar em insanlarga

Rızıq aqıyqatı ökmetken...

Ziyadası rızıqtı,  

Bîr neşe keñ, em bay qazna

Eteberip Haq Rahman

Neşe nimetlerini,   

Rızıq işine salgan,...

Atta sosı rızıqlardıñ  

Qaş türlüsi işinden  

Yalgız bir şeşitiniñ

Tedlerini tanuv üşün  

Tilimizdiñ üstine 

Yegenimiz ne zat bolsa,

Sosınlardıñ sanınca,  

Manevi, ince ince, 

Kişkey ölşemler salgan...

Demek käinat işinde,  

Eñ acaib, eñ zengin 

Eñ qarip, eñ şirin

Eñ keñ, eñ yarasıq     

Aqıyqat rızıqta bolgan...

Endi barabar körsek: 

Är zat qaydey rızıqtıñ 

Tögereginde yıyılgan,

Barı oga qaragan;  

Aynı sonday rızıq tagı, 

Neşe şeşit türlüsimen,

Manesi em maddesimen,   

Barı aller em sözbinen,

Şükrümüzge baylangan...

Şükürmen kelip özi,  

Tagı şükürdi östirgen.

Em şükürdi körsetken...

Nege desek rızıqqa 

İştaq em süygümiz, 

Bîr türlü şükür bolgan...

Sosı şükürge tagı,    

‘Fıtri şükür’ dep at salıngan.

Bîr yaqtan nazzet tabıp  

Em zavq alganımız, 

Özimiz parqında

Bolmay qalsaq tagı em  

Sosı al em şükür bolgan...

Algan zavqlarımızban biz,  

Nimetlerdi tädlerimen

Baresini süygenimiz,

“So nimetti begenemiz!”

Degen manege kelip,

Sosı al em şükür bolgan...

Nav şükür ayvanlarda,  

Bîr zat yegenleri vaqıt,

Sosınlarda em köringen...

İştaqpınan yegenleri,    

Özleri bilmese de 

Onlar üşün şükür bolgan...

Tek insanlar yoldan şıgıp,     

Tuvra yoldan sapqan vaqıt,

Nimetlerdi inqarıman,  

Şükürdiñ yahşı kebini

Avıstırıp şirkke avdargan... 

Basqa bîr aqıyqat em     

Rızıq bolgan nimetlerde 

Gözel süslü suvretler,  

Gayet gözel qoqılar, 

Neşe yahşı tätler tagı,

Şükürdiñ davetşisi bolgan...

Qaytip bolar eken desek;  

Nimetteki gözellikler, 

Esi bolgan baredi,

Nimetlerdi süyeberip 

Süygüsini aytuvga,

Şevq degen yoşqan alge,

İnsanlardı davet etken...

Sosı yoşqan allerimen,

Nimetlerdi süygenini, 

Är bîr yaqtan arüvligin,    

Yahşılıgın ayttırıp,

Örmetke davet etken.

Nav alminen manevi,  

Yürekten şükür ettirgen.

Tagı esli bolganlardıñ 

Qaravışlarını barı,

Dıqqatını özi betke

Tartaberip so yarasıqlıq, 

Nimetteki yahşılıqtı,

Maqtavga em bardırgan.

Nimetlerge örmetti, 

İnsandı teşvik etip, 

Em sözbinen em ispinen

Şükürge yol körsetken...

İnsanga şükür ettirip,  

Ene sosı şükürminen  

Şükür işine salıngan

En biyik tätli nazzetti,   

Neşe zavqtı tättirgen.

Taga basqa bîr manemen  

Nav nazzetli rızıq, nimet,

Qısqa, ötüvşi bolgan    

Köringen nazzet qasında,

Dayim bolgan em aqıyqı 

Hadsiz nazzet em zavqlardı

İşinde em tasıgan...

Rahmani bîr iltipattı, 

Rab’tıñ yahşı qaravını

Şükürminen qazandırgan...

Nav rahmet qaznasınıñ  

Yomart iyyesiHaq’tıñ 

Yahşı arüv qaravını

Özi üstinde körsetip  

Sosı oyman müminge, 

Nav dünyada tagı em,

Yannet’tiñ dayim zavqını, 

Manevi betten tettirgen!

Sosı rızıq, şükürminen    

Ne darece qıymatlı,

Em bay em keñ bîr qazna  

Bolganı alde, eger

Şükür etpey berse adem,  

Neşe yaman darecemen

Tömenlerge, oyga tüsken...”    

Nav barege keliyek yuma

Davam etiyek inşallah!

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com