"Zäytün botağı" xäräkäte

Törkiyӓ milli iminlegenӓ hӓm Süriyӓneñ cir bötenlegenӓ citdi qurqınıç bularaq kürgӓn PKKnıñ Süriyӓdӓge törkeme bulğan PYD/YPGğa qarata küptӓnnӓn kiñ qırlı xӓrbi xӓrӓkӓt öçen ӓzerlӓnӓ ide. Xӓzer terrorçılıq qamap alğan Afrin öçen Törkiyӓ êşkӓ kereşte. Törek qorallı köçlӓre ozaq waqıttan birle töbӓkkӓ xӓrbi köç cibӓrӓ ide, İdlibtӓ Afrinnıñ könyağında da urnaştı. Küptӓnnӓn xӓzerleklӓre dӓwam itkӓn operaśiya Törkiyӓ ilbaşı Ӓrdoğannıñ “Afrin operaśiyase başlandı” açıqlawınnan soñ 20 ğinwar könne başlatıldı. Operaśiya “Zӓytün botağı” xӓrӓkӓte bularaq tanıtıldı.

Tikşerenüçe Can Acunnıñ mӓs’ӓlӓ belӓn bӓyle añlatmasın tӓqdim itӓbez.

Afrin Törkiyӓ belӓn çik buyında möhim geopolitik wazğiyӓttӓ. Süriyӓdӓ 2004 yılda ütkӓrelgӓn xalıq sanın isӓplӓwgӓ kürӓ Afrin töbӓgendӓ 64758 keşe üzӓktӓ yӓşi, rayonda barlığı 172095 keşe bar. Afrinneñ Ӓsӓd rejimı tarafınnan hawadan höcümgӓ duçar qalmawı hӓm tağın da imin buluı arqasında töbӓkkӓ küçep kitülӓr küp buldı. Xӓzerge waqıtta Afrin töbӓgendӓge xalıq sanınıñ 300 meñ tirӓse buluı çamalana.

Oyışma öçen bu töbӓk Urta diñgezğӓ çığu yulı bularaq kürelӓ. Ayıruça Afrinnan Törkiyӓgӓ Amanos tawları aşa liniya qorıp, suğışçı hӓm qoral küçerergӓ tırışa. Törek qorallı köçlӓre hӓm iminlek köçlӓre xӓzergӓ qadӓr Afrinnan töbӓkkӓ kergӓn 300dän artıq terrorçını tӓêsirsez xӓlgӓ kiterde.

Törek qorallı köçlӓreneñ “Zӓytün botağı” dip ataluçı Afrin operaśiyaseneñ höcüme 20 ğinwar könne 17:00dӓ Törek qorallı köçlӓrenӓ bӓyle oçqıçlarnıñ Süriyӓ hawa kiñlegenӓ kerep, Afrindağı terror maqsatlarına ut aça başladı. PKK/KCK/PYD-YPGğa bӓyle sıyınu urınnarı hӓm kirӓk-yaraq depoları bularaq qullanılğan 108 urınnıñ operaśiyadӓ qatnaşqan 72 oçqıç tarafınnan yuqqa çığarıluın citkerde. Operaśiyaneñ berençe êtabı Afrindağı PKK terror oyışmasına qarşı kiñ qırlı xӓrbi qatışunıñ başqarılaçağına işarӓt itte.

Törek qorallı köçlӓre hӓm Törkiyӓ yӓrdӓm kürsӓtkӓn Süriyӓle oppoziśiyaçellӓr Zӓytün botağı” operaśiyaseneñ 2nçe könendӓ ciröste xӓrӓkӓten başlatıp, şaqtıy töbӓkne qulğa töşerde. Annarı operaśiyaneñ berençe maqsatlarınıñ tawlı cirleklӓrdӓge qalqulıqlar buluı kürelde. YPG kötmӓgӓn hӓm iñ awır fronttan operaśiyaneñ başlanuı xӓrӓkӓtneñ strategiyase cӓhatennӓn möhim işarӓtlӓr birӓ. Tawlı alannardağı qalqulıqlar qulğa töşerelep, YPGneñ qaçuına kirtӓ quya. Qalqulıqlarnı qulğa töşergӓnnӓn soñ Törek qorallı köçlӓre hӓm Törkiyӓ yӓrdӓmen kürüçe Süriyӓle oppoziśiyaçellӓr YPGne töbӓktӓn çistartu êtabına küçӓçӓk. İkençe yaqtan xӓrӓkӓtneñ 8 fronttan dӓwam itüe iğtibarnı cӓlep itӓ. YPGne ber ük waqıtta küp fronttan suğıştırıp, köçlӓren ӓzӓytergӓ tırışu.

Xӓzergӓ qadӓr uñışlı barğan operaśiyada PKK/YPG terror oyışması isӓ asimmetrik-gibrid suğış texnikaları belӓn qarşılıq kürsӓtep, toraq yortlar bulğan mӓxӓllӓlӓrgӓ çigelep, tınıç xalıqnı canlı qalqan bularaq qullanırğa tırışa. Oyışmanıñ tınıç xalıqnıñ qalqan itep qullanıp, üz qorban sanın azaytırğa tırışuı hӓm ğayepsez keşe ülemnӓren çığarıp, xalıqara qara propaganda barışın çınğa aşırırğa telӓwe kürenӓ. Oyışma ӓğzalӓre tarafınnan Afrin hӓm cirlegendӓge tınıç xalıqqa töbӓkne taşlap kitӓrgӓ röxsӓtneñ birelmӓwe monı döresli.

Xӓrӓkӓtneñ xӓrbi ülçӓme belӓn ber rӓttӓn diplomatiya ülçӓme dӓ iğtibarnı cӓlep itӓ. Rusiyӓ Süriyӓ hawa kiñlegen rejim belӓn tözegӓn kileşü qısalarında üz kontrolendӓ totunı dӓwam itӓ. Töbӓktӓ kontrol’ urınnarı bulğan Rusiyӓneñ Törkiyӓgӓ qarağanda keçkenӓ xӓrӓkӓt oyıştırunı ügetlӓwe dӓ belenӓ. Lӓkin Törkiyӓneñ Afrindağı terror qurqınıçın yuqqa çığara aluı öçen kiñ qırlı çistartu operaśiyaseneñ zarurlığı ap-açıq.

Rusiyӓ belӓn dӓwam itüçe êlemtӓ urnaştıruğa östӓmӓ bularaq Törkiyӓ AQŞ, Awrupa Berlege illӓre hӓm Farsı qultığı illӓre belӓn tığız diplomatiya alıp bara. Xӓrӓkӓtneñ başlanuınnan soñ şaqtıy ilneñ tulı wӓqalӓtle ilçese tışqı êşlӓr ministrlığına çaqırılıp, operaśiya xaqında mӓğlümat aldı. Awrupa Şurasında PKKnı xuplawçı qayber dairӓlӓrneñ “Zӓytün botağı” operaśiyasen kön tӓrtibenӓ kiterergӓ tırışuı Törkiyӓneñ tışqı êşlӓr ministrlığı tarafınnan qomaçawlandı.

AQŞtan “Zӓytün botağı” xӓrӓkӓte belӓn bӓyle törle açıqlawlar yasala, ğomümӓn “Zӓytün botağı” xӓrӓkӓtennӓn qanӓğat’ bulmawları kürenӓ. Angliya, Germaniya hӓm NATOnıñ “Zӓytün botağı” xӓrakӓten legal’ bularaq kürüenӓ qaramastan Rusiyӓ AQŞnıñ Süriyӓdӓge wayımsız totışın cawaplı tota.