Törkiyädä Sabantuylar

Tatarstanda häm tatarlar küpläp yäşäwçe töbäklärdä tradiśion Sabantuy cıyınnarı bulıp uzdı. Törkiyädä isä bıyıl Sabantuy İskeşähär vilayätendäge Kuruhöyük Osmaniye tatar awılında 1nçe iyül’ şimbä könne, İstanbulda isä Life Park İstanbul Bahçeköydä 2nçe iyül’ yäkşämbe könne uzaçaq.

Tatarstannan sänğätçelär dä qatnaşaçaq sabantuy cıyınnarında törle uyınnar, yarışlar häm cır-biyülär oyıştırılaçaq.

Törkiyädä näşer itelgän “Qazan” jurnalı mäğlümatlärenä kürä, Törkiyädä berençe Sabantuy tatar êşmäkäre Mäñgärneñ yärdäme belän 1974nçe yılda İstanbulda ütkärelä.

Annan soñ Sabantuy cıyınnarı täwge tapqır İstanbulda häm İskeşähärdä 1992nçe yılda uzdırıla.

Törkiyäneñ İskeşähär vilayätendä urnaşqan Osmaniye-Kuruhöyük tatar awılında 90nçı yıllar başında oyıştırılğan berençe sabantuylar turındağı yazmanı TAWIŞ uynatqıçınnan tıñlıy alasız.

Fotosürättä: Kuruhöyük awılında Sabantuy. 1992nçe yıl. Bähzat Aqtaş fotosüräte.