Nogayça 124: Maraz bizge rahmet bolgan (6)

Marazdıñ bizlerge   

Rahmet bolganı baresinde 

Bîr alimdiñ aytqanı

Sekişinşi bir dari     

Nav maneler bolgan:

“Ey ahiretini eslep         

Soga azirlengen marazlı!

Maraz aynı sabınday     

Künalerdiñ kirlerini,   

Yuvadı em tazalaydı...

Marazlardıñ künalerdi,   

Yuvıp alıp ketkeni,    

Hadislermen aytılgan...

Bîr hadiste Paygambar        

Aleyhisselatü vesselam,

Nav sözini em aytqan:

“Erigen bir terekti,     

Silkelegende qaydey      

Meyvaları tüsedi,

İymanlı em avrısa   

Titregeni vaqıtta,     

Künaleri tögiledi.”

Bîr yaqtan em qarasan,   

Künaler de aslında     

Abadi yaşav üşün

Dayimi maraz bolgan.  

Dünya yaşavında tagı,

Qalp, vicdan, ruh üşün

Barı sosı ‘künaler,     

Manevi maraz’ bolgan...

Eger sen avrıganda   

Qatlanıp dayanalsan,   

Em şikäyet etpesen,   

Nav ötivşi marazban 

Manevi em dayimi

Marazlardan qurtulasın...

Eger sen künalerdi,   

Eslemeytagan bolsan,    

Ya de ahiret yaşavını

Bilmeytagan bolsan;        

Em yaratuvşı Rab’tı 

Tanımas adem bolsan,   

Sende söle dahşetli 

Köp üyken maraz bolgan!         

Milyon kere sendeki      

 Kişkenekey marazından   

Taga zararlı  bolgan...

Qaygılansan, qışqırsan,       

Sen nav marazından qışqır!

Nege desen yaratılgan  

Barı maqluq ne bolsa,

Sen onlardıñ baresine

Qalb, ruhun, nepsinmen     

Tap baylanışın bolgan...

Äş artı kesilmey    

Dayim sosınlar senden   

Ayrılıp ketken üşün,

Em sosınlardıñ baresi, 

Seniñ inanışın betten    

Yoq bolup bîr taga

Keri qaytpayagı üşün;   

Özinminen onlardıñ     

Baylanışı üzülüp     

Ozıp ketkenleri üşün,   

Senin qalbinde olar,      

Soñsız yaralar aşqan...

Bötende em sen özin, 

Ahiret’ti bilmey turup   

Ölgendi öziñ üşün

“Abedi bîr ayrılıq!”     

Bilip solay inanganga;  

Nav sebepten är yagın      

Aqlın,  ruhun, vicdanın

Yara bere tolup qalgan...

Mine sosı sebeplermen  

Aslında söle sende,

Dünya tolu maraz bolgan...

Sosı alde eñ avvel,   

Manevi yagındaqı  

Soñsız yaralarına,

Dahşetli marazlarına,

En teysirli dari bolgan;

Saga tezoq şipadı         

Berüvge sebep bolgan 

İyman darisini tabıp

Tuvra inanganın kerek...

Sosı ilaştı tappaga  

En qısqa bîr yol tagı   

Nav maddi marazban

Yırtılgan gapletindiñ    

Perdesi astındaqı  

Acizlik em arıqlıqtıñ

Terezesinden qarap, 

Calal iyyesi em Qadir  

Quday’dıñ qudretini,

Em de maramatını     

Körüp tanısan kerek...

ZatenQuday’dı tapsan  

Maraz marazlıqtan şıqqan...

Allah’tı tanımagan 

Qaysı adem bolsa bolsun, 

Dünya tolısı bela

Bası üstine quyulgan...

Haq’tı tanıgan bolsa  

So marazdıñ dünyası,  

Barı nur em manevi

Şatlıqpan tolup qalgan... 

Sosı iygiliklerdi ol,   

Darecesine köre     

İymandakı quvvatpan

Yüreginde bilip turgan...

Qalbindeki iymanman 

Kelgen manevi şatlıq, 

Em tapqanın şipaman

Kelgen nazzet astında,

Bürteköy bolup qalgan 

Barı maddi marazdıñ

Qıynaltqanı, qıyınlıgı,     

Baresi de äş qalmay     

Erigen, ezilip ketken.

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com