Dön’yada törek kähwäse köne qotlandı
5nçe dekabr’ Bötendönya törek kähwäse köne Mäskäwdä, N’yu-Yorkta, Madridta häm başqa şähärlärdä dä bilgeläp uzıldı
Amerika Quşma Ştatlarınıñ N’yu-York şähärendäge mäşhür Tayms mäydanında 5nçe dekabr’ Bötendönya törek kähwäse uñayınnan programma oyıştırıldı.
Nasdaq Tower binasınıñ aldında ütkärelgän çaranı Törek amerikan cämğıyätläre federaśiyası häm “Turkish Coffee Lady” waqıfı oyıştırdı.
Programmada törek amerikan ictimağıy oyışma wäkilläre häm watandaşlar da qatnaştı. Programmada canlı muzıka häm biyü tamaşaları täq’dim itelde, törek kähwäseneñ üzençälekläre, kul’turası häm tarixı tanıtıldı.
Yunıs Ämrä institutı isä Bötendönya törek kähwäse köne qısalarında Argentinada oyıştırğan çarada argentinalılarğa häm törek kähwäsen tanıttı häm dä törek kähwäsen yasaw forsatın täq’dim itte.
Buenos Aires Yunıs Ämrä institutında 5nçe dekabr’ Bötendönya törek kähwäse köne qısalarında törek kähwäse tanıtılğan, kilüçelärgä kähwäne êçü häm yasaw mömkinlege buldırılğan çara oyıştırıldı.
Bötendönya törek kähwäse köne mönäsäbäte belän İspaniyanıñ başqala Madridta häm Barselonada da çaralar ütkärelde.
Türkiyäneñ Madrid ilçelege häm Madrid Yunıs Ämrä institutı oyıştırğan çarada törek kähwäseneñ üzençälekläre, kul’turası häm tarixı añlatıldı.
Gruziyanıñ Änkara ilçese George Janjgava da matbuğatqa yasağan belderüendä, törek kähwäsen bik yaratuın citkerep: "Kähwä citeşterüçe illär dönyada küp bar, ämma Türkiyädäge kähwäne äzerläw başqa ber närsä”, - dip äytte.
İtaliyanıñ Änkara ilçese Giorgio Marrapodi dä 5nçe dekabr’ Bötendönya törek kähwäse köne mönäsäbäte belän Türkiyä İlbaşı idaräseneñ êlemtä başlığı Fahrettin Altunnıñ ilçelärgä cibärgän kähwä çınayağı belän törek kähwäsen êçkän fotosüräten urtaqlaştı.
Rusiyä başqalası Mäskäwdä dä törek kähwäse köne mönäsäbäte belän çara ütkärelde.
Türkiyäneñ Mäskäw ilçelegendä Yunıs Ämrä institutı oyıştırğan programmada törek kähwäseneñ original’ häm unikal’ peşerü ısulı kürsätelde.
