9 yäş'lek qız Bötendön’ya intellekt uyınnarı çempionı
Törkiyädä yäşäwçe yäş' sportçı yarıştan 4 büläk belän qayta
2166293
Törkiyäneñ Amasiya töbägendä yäşäwçe 9 yäş’lek Mixrima Alıcıoğlu Çexiyada uzğan 2024nçe yılğı Bötendön’ya intellekt uyınnarı çempionatınnan 2 berençe häm 2 öçençe urın alıp qayttı.
Çara Pardubiśe şähärendä 12nçe iyül’dän 16sına qadär ütä. Mixrima Alıcıoğlu anda yäş’lär arasında törek mangalası häm bestemşe kategoriyälärendä çempion bula, ä xatın-qızlar arasında törek mangalası häm tuğız kumalaq kategoriyälärendä isä öçençe urınnı ala. Ul üzeneñ yarıştağı iñ keçkenä qatnaşuçı buluın belderä. “Turnirdağı köndäşlärem minnän küpkä ölkänräk ide. Şuña qaramastan, ike berençe urınğa ireşüem öçen bik şatmın”,-di sportçı.
