Ahlat taş ütäleşe YUNESKO isemlegendä
Tradiśion Ahlat taş ütäleşe YUNESKO (BMO mäğarif, belem häm mädäniyät oyışması) matdi (material’) bulmağan mädäniyät miras isemlegenä kertelde
Mädäniyät häm turizm ministrlığınnan yasalğan belderügä kürä, Türkiyäneñ mädäniyät baylıqlarınnan tağın berse matdi bulmağan dönya mirası bularaq saqlaw astına alındı.
Matdi häm matdi bulmağan mirasnı saqlawnıñ iñ matur ürnäklärennän tradiśion Ahlat taş ütäleşe, bıyıl Marokko başqalası Rabatta oyıştırılğan YUNESKO Matdi bulmağan mädäniyät mirasın saqlawnıñ Xökümätlärara 17nçe Komitet cıyılışında bäyälänep, YUNESKO aşığıç saqlawnı zarur qılğan matdi bulmağan mädäniyät mirası isemlegenä kertelde.
Bu räweşle Türkiyäneñ YUNESCO matdi bulmağan mädäniyät mirası isemlegenä kertelgän mädäniyät ob’yektlarınıñ sanı 22gä citte.
Ayıruça çäy kul’turası, Xuca Näsretdin mäzäklären añlatu yolası belän yefäk qortların ürçetü häm tuqıma öçen yefäkneñ tradiśion citeşterelüe – şul uq cıyılışta qaralaçaq.
Türkiyäneñ bügengä qadär mäddahlıq, Mäwläwi säma cıyını, aşıqlıq yolası, näwrüz (küp millätle), Qaraküz, tradiśion äñgämä cıyınnarı, Kırkpınar maylı köräş festivale, Ğalävi-bäktaşı ritualı: sämah, tantana käşkäğe yolası, Mäsir aşamlığı festivale, törek kähwäse kul’turası häm ğoref-ğadätläre, äbru sänğäte, törek käğäz bizäkläw sänğäte, tradiśion fayans ostalığı, neçkä ikmäk yasaw häm urtaqlaşu kul’turası (küp millätle), yaznı qotlaw: Hızır İl’yas (küp millätle), sızğıru tele, Dädä Korkut mirası: dastan mädäniyät, xalıq äkiyätläre häm muzıka, tradiśion törek uqçılığı, tradiśion intellekt häm strategiya uyını mangala (küp millätle), miniatyura sänğäte (küp millätle) häm hüsnühat kalligrafiya êlementları Matdi bulmağan mädäniyät mirası isemlegenä kertelde.
Türkiyä mädäniyät mirası isemlegenä iñ küp ob’yektı kertelgän berençe 4 il arasında tora.
Bäyläneşle xäbärlär
Ayasofiya millionnarça keşegä yul kürsätä
Ul şaqtıy keşe öçen ğıybadät urını ğına tügel, şul uq waqıtta berlekneñ simvolı da bulıp tora
