İstanbulda tatar rässamnäre

“İstanbul häm Sankt-Peterburg: suda çağıluçı tarix” kürgäzmäse oyıştırıldı

İstanbulda tatar rässamnäre
İstanbul häm Sankt-Peterburg: suda çağıluçı tarix
İstanbul häm Sankt-Peterburg: suda çağıluçı tarix

Törkiyäneň tanılğan 7 rässame häm Rusiyäneň 7 rässameneň äsärlärennän torğan räsem kürgäzmäse.

İstanbulnıň Bäşiktaş Ortaköy bistäsendä urnaşqan tarixi Kethüda Hamam Bäşiktaş mädäniyät üzägendä açılğan räsem kürgäzmäsen 2019nçı yılnıň 16nçı üktäbr’ belän 7nçe noyabr’ könnäre arasında qararğa bula.

İstanbuldağı kürgäzmädä tatar rässamnäre dä qatnaştı.

“İstanbul häm Sankt-Peterburg: suda çağıluçı tarix”. Törkiyäneň tanılğan 7 rässame häm Rusiyäneň 7 rässameneň äsärlärennän torğan räsem kürgäzmäse.

İstanbulnıň Bäşiktaş Ortaköy bistäsendä urnaşqan tarixi Käthüda Hamam Bäşiktaş mädäniyät üzägendä açılğan räsem kürgäzmäsen 2019nçı yılnıň 16nçı üktäbr’ belän 7nçe noyabr’ könnäre arasında qararğa bula.

Proyektnıň kuratorı, tatar qızı rässam Aygöl Okutan şuşı kürgäzmägä rässamnärne bik zur iğ’tibar belän saylawların häm İstanbuldan soň noyabr’ ayında Peterburgta da şuşı kürgäzmäneň oyıştırılaçağın äytte.

Şuşı kürgäzmäne oyıştıruğa öleş kertkännäre öçen Bäşiktaş rayonı xakimiyäte belän Rusiyä Federaśiyäseneň İstanbul baş konsullığına räxmätlären citkerde.

Törkiyädä häm Rusiyä Federaśiyäsendä ütkärelüçe mädäniyät häm turizm yılı qısalarında oyıştırılğan kürgäzmädä Törkiyä rässamnäreneň üz äsärlärendä Petergburnı çağıldıruların, Rusiyä rässamnäreneň isä İstanbulnı taswirlawların assızıqlawçı Rusiyäneň İstanbul general’ konsulı Andrey Buravov kürgäzmäneň ike il xalqınıň yaqınayına öleş kertäçägenä ışanuın belderde.

Bıyıl İstanbul häm Petergburnıň tuğandaş buluınıň 30 yıllığınıň qotlanuın äytüçe Bäşiktaş cirle xakimiyäte başlığı Rıza Aqpolat Rusiyä Federaśiyäseneň İstanbul baş konsullığı belän bergä urtaq proyektnı tormışqa aşıruların häm 16nçı ğasırğa qarawçı şuşı tarixi binada kürgäzmäne oyıştıruların belderde.

Suğışlar häm ğawğalar xökem sörgän çorda yäşäwlärenä iğ’tibarnı yünältüçe Bäşiktaş rayonı başlığı böten şuşı tartqalaşularnı xalıqlar arasında berlek-berdämlek toyğıların qamilläşterü yulı belän beterergä mömkin buluına häm şuňa kürä dä mädäniyät belän sänğät’kä ähämiyät birülären assızıqlap äytep uzdı.

Bäşiktaşnı mädäniyät häm sänğät üzägenä äyländerergä teläwlären äytüçe Aqpolat äfände bu ölkädä İstanbuldağı çit il konsullıqları belän xezmättäşlek urnaştıruların belderde.

Kürgäzmädä 7 äsäre täq’dim itelgän Törkiyäneň tanılğan äbrü rässame Hikmät Barutçugil Aygöl Okutannıň äydäp baruçanlığına şuşı proyektqa başlawların häm mädäniyät belän sänğätneň dönya tınıçlığına häm ike yaqlı mönäsäbätlärneň üsüenä öleş kertäçägen ışanuın citkerde.

İstanbuldağı kürgäzmädä tatar rässamnäre Salavat Ğiläcetdinov, Azat Ğalimov häm İldar Äxmätwäliyev ta qatnaştı.

Rusiyädän İstanbulda kilgän rässämnär Salavat Ğiyläcetdinov häm Oleg Şirinkin Minar Sinan isemendäge güzäl sänğätlär universitetında master-klass ütkärde.

Master-klasstan soň tanılğan törek rässame Hikmät Barutçugil qunaqlarnı üz ostaxanäsenä çaqırdı.

Kürgäzmä turında urısça videoyazma:

 

 
 
 
 
 


Bäyläneşle xäbärlär