Yapon fotorässam Kapadokiyäne tanıta
"Kapadokiyadä yäşäwçelärneñ açıq yözlelegen böten yaponnarnıñ kürüen telim"
Yaponiyada ber jurnalnıñ fotoxäbärçese häm yazuçısı Megumi Asaoka Kapadokiya töbägen üz ilendä tanıtaçaq.
Tokio şähärendä 2016nçı yılda bulğan kürgäzmädä Nevşehir wäkilläre Asaokanı Kapadokiyağa çaqırğan bulğan. Fotoxäbärçe anı qabul itkän häm bu üzençälekle töbäkkä ayaq basqan. Ul 2 atna buyınça töşergän fotoräsemnären Yaponiyaneñ tanılğan jurnallarınıñ bersendä bastıraçaq.
Asaoka Görämä cirlegendä jurrnalistlar belän oçraştı. Ul Kapadokiyägä täwge kilüen, mondağı mädäni baylıq häm tabiğıy maturlıqnı ilendä tanıtırğa maqsat itep quyuın söyläde. Asaoka 2 atnada yaqınça 4 meñ räsem töşerüen belderde. “Kapadokiyanıñ keşeläre bik açıq, bu miña nıq täêsir itte. Barlıq yaponnarnıñ da monda kilüen telim. Bernindi iminlek probleması yuq. Keşelär mine öylärenä çäy êçärgä çaqırdı. Kapadokiyadä yäşäwçelärneñ açıq yözlelegen böten yaponnarnıñ kürüen telim,”-dip söyläde fotoxäbärçe.
Asaoka fotoları häm mäqaläläre belän törek häm yapon duslığın üsterergä niyätli.
“Yaponiyada onıtılğan, ämma monda däwam itüçe ber närsä bar. Monda ğailägä, dingä häm duslıqqa birelgän ähämiyätne kürdem. Keşelär ber-bersenä waqıt taba. Bu cılı mönäsäbätlärne monda xis ittem. Bez yaponnar bolarnı onıttıq. Qabat iskä töşerü öçen barlıq yapon xalqın Kapadokiyägä çaqıram,”-dide Megumi Asaoka.
