Törkiyägä qaytarılğan tarixi äsä sanı 36 buldı
Küptän tügel 40 yıl êlek urlanğan bronza taburetnı kire tapşırdılar
Törkiyä mädäniyat häm turizm ministrı Mäxmät Nuri Ärsoy beldergänçä, yaqınça 40 yıl êlek Manisadağı ber qaberdän urlanğan 2 meñ 500 yıllıq bronza taburet ilgä kire qaytarıldı.
Älege äsärne 1982nçe yılda J.Pol Getti muzeyı şveyśariyäle sänğat’ dilerınnan satıp ala. Ul bronza taburetnıñ 1920nçe yıllardan birle Awrupa kollekśiyälärendä urın aluı turında yalğan dälil kiterä. Tik Törkiyä mädäniyat häm turizm ministrlığı häm muzey, bergä êşçänlek alıp barıp, anıñ nigezsez buluın açıqlıy. Fänni tikşerenü bronza taburetnıñ 1980nçe yıllar başında Manisa tiräsendäge qaberdän yäşeren räweştä qazıp çığarılıp çit ilgä urlanuın dälilläde.
Ministr Ärsoy: “Bu kire qaytaru operaśiyäsendä bezneñ belän bergä êşçänlek alıp barğan Getti muzeyına räxmät belderäm”,-dide. Ul bügengä qadär ilgä qaytarılğan tarixi äsärlär turında mäğ’lümat ta birde. Bronza taburet belän bergä 2024nçe yılda Törkiyägä 36 êksponat kire tapşırıla. 2002nçe yıldan birle isä qaytarılğan äsärlär sanı - 12 meñ 156.
