İzrail Räfaxtağı lager'nı bombaladı

İzrail armiyäse Ğazzä sızığındağı Räfax şähärendä yäşägän urınnarınnan quılğan fälästinlelärneñ çatırların utqa tottı. Anda, berençel mäğ’lümatlarğa qarağanda, 40 keşeneñ ğomere özelde.

Fälästin xäbär agentlığı WAFA yazğança, İzrail xärbi oçqıçları Räfaxnıñ tön’yaq-könbatışındağı BMO fälästinle möhacirlärgä yärdäm häm mäşğul’lek agentlığı saqlağıçları belän yänäşä urnaşqan tınıç xalıqnı bombaladı.

Fälästin “Qızılay”ı bik küp mäyet häm yaralanuçınıñ xastaxanälärgä iltelüen citkerde. Aralarında xatın-qızlar häm balalar da bik küp.

Ğazzädäge sälamätlek saqlaw ministrlığınnan yasalğan belderüdä isä yuğalğan keşelärne êzläwne däwam itüläre äytelä.

Waqıyğanıñ şahitläre citkergänçä, İzrail armiyäseneñ bombalawı lager’dağı bik küp çatırnıñ cimerelüe häm yanuına kiterä. Älege lager’nıñ Räfax şähärendä İzrail buşatırğa quşqan cirlektä urnaşmawın belderälär.

İzrail xärbi oçqıçlarınıñ lager’ğa kimendä 8 raketa cibärüe açıqlandı.