Balıq mayın küp êçü xätär

Daimi räweştä balıq mayı qullanunıñ sälamät keşelädä paraliç häm yöräk awırtuı mömkinlegen arttıruı açıqlandı.

Xalıqara tikşerenüçelär 40 belän 69 yäş’ arasındağı 415 meñnän artıq keşeneñ Angliyäneñ “Biobank” dip ataluçı biomediśina mäğ’lümatları bankındağı sälamätlek kürsätkeçlären analizladı. Alarnı urtaça 12 yıl buyı küzätkännär.

Tikşerenüçelär mäğ’lümat bankında terkälgän keşelärneñ yaqınça öçtän berseneñ daimi räweştä balıq mayı êçüen belderde. Ul yöräk awırtuı bulğan keşelärgä faydalı. Ä menä yörägendä bernindi problema bulmağan keşelärdä isä paraliç häm yöräk öyänäge riskın arttıra. Alarda aritmiyä barlıqqa kilü qurqınıçı 13%qa, paraliç mömkinlege 5%qa kübäyä.

Tikşerenüçelär beldergänçä, yöräk awırtuı bulğan keşelärdä isä daimi räweştä balıq mayı êçüçelär yöräk qolaqçığı fibrilyaśiyäseneñ yöräk öyänägenä äwerelü qurqınıçın - 15%qa, yöräk citeşsezlegennän ülü riskın 9%qa kimetä