Ğazzägä höcümnär däwam itä
İzrail Ğazzä sızığınıñ törle töbäklärenä xärbi oçqıçlar, artilleriya tupları häm tanklar belän höcüm itte
Xalıqara mäxkämäneñ Räfax şähärenä höcümnärne şunduq tuqtatu qararına iğtibar itmäwçe İzrail tön buyı Ğazzä sızığınıñ törle töbäklärenä xärbi oçqıçlar, artilleriya tupları häm tanklar belän höcüm itte.
Fälästinneñ räsmi xäbär agentlığı WAFAğa kürä höcümnärdä aralarında xatın-qız häm balalar da bulğan şaqtıy fälästinle ülde häm yaralandı.
İzrailneñ xärbi oçqıçları Räfax şähäreneñ tön’yağındağı Hırbät Ads bistäsendäge ber öyne bombağa totqan. Höcümdä 6 keşe yaqtı dön’yadan kitkän.
Räfaxtağı Yebna qaçaqlar şähärçege, Kışta mäxälläse häm Xäläl Bazar isemle töbäklär belän Ğazzä sızığındağı Nusayrat häm Beric qaçaqlar lager’larına da İzrail tankları häm artilleriya tupları yünälde.
7 oktäbr’dän bügengä qadär Ğazzä sızığında kim digändä 15 239 bala, 10 meñ 93 xatın-qıznıñ ğomere özelde. Barlığı 35 984 fälästinle üterelde, 80 643 keşe yaralandı.
