"Xamas" belän İzrail armiyäse bäreleşläre

Fälästin qarşılıq xäräkäte “Xamas”nıñ xärbi flangı “İzzäddin äl-Kassam” brigadaları Ğazzä sızığındağı bäreleşlärdä bik küp İzrail ğaskäriye ülüen häm texnikaları yuq itelüen citkerde.

Fälästinle köräşçelär Cibaliya möhacir lagerındağı Şähit İmad Akl mäçete artında urnaşqan İzrail xärbiläre belän atışa. Anda izraillelär arasında ülüçe häm yaralanuçı barlığı belderelä.

Äl-Abani uramındağı bäreleşlärdä İzrail armiyäseneñ “Merkava” tankı şartlatıla.

“İzzäddin äl-Kassam” brigadaları Cibaliya lagerınıñ könçığışında İzrail armiyäseneñ 2 tankın, tön’yağında xärbilären raketalar belän nişanğa aluların kürsätüçe video urtaqlaştı.

Ğazzä şähärendä isä İzrail xärbiyen töz märgän atıp täêsirsez xälgä kiterä.

İzrailneñ kön’yağındağı Sderot şähärenä raketa höcüme oyıştırıldı.

Räfax çik qapqasındağı İzrail ğaskärlärenä isä minomyettan ut açtılar.  

İzrail armiyäse 6nçı mayda yasağan belderüendä yäşägän cirlärennän quılğan fälästinlelär sıyınğan Räfaxnıñ qayber mäxällälären buşatunı taläp itte. 7nçe may irtäsendä isä äytelgän cirleklärgä höcüm başladı häm Misır belän Ğazzä arasındağı çik qapqasın qulğa töşerde. Ul Ğazzägä gumanitar yärdämnär kerä torğan töp noqta.

İzrailneñ 7nçe oktyabr’dän birle Ğazzä sızığına höcümnärendä kimendä 15 meñ 103 bala, 9 meñ 849 xatın-qıznı kertep tulayım 35 meñ 456 fälästinle üterelde. 79 meñ 476 keşe yaralandı.

Cimereklär astında äle haman meñnärçä üle buluı belderelä.