Narkotiklarnı su astınnan cibärergä uylağannar

İtaliya belän Albaniya arasında yıraqtan idarä itelüçe keçkenä su astı köymäse belän narkotiklar kontrabandası başqarırğa planlaştırğan xalıqara cinayät’çel törkem êläkterelde. Torino prokuraturasınıñ mafiyağa qarşı köräş bülege alıp barğan tikşerü qısalarında operaśiyä ütkärelä. Anda İnterpol belän xezmättäşlek itüçe İtaliyä jandarmeriyäse häm Albaniya poliśiyäse qatnaşa.  

İke ildä dä törle noqtalarda uzdırılğan operaśiyälärdä kokain, gaşiş häm marixuana tabıla, 204 kilodan artıq narkotik matdä qulğa töşerelä.

İtaliyä tikşerüçeläre narkotiklar kontrabandası çeltäreneñ İtaliyä belän Albaniya arasında tovar taşu öçen yıraqtan idarä itelüçe keçkenä su astı köymäse yasap sınaw ütkärülären açıqlıy. Älege çeltärneñ ike albaniyale bertuğan tarafınnan idarä itelüe häm İtaliyäneñ narkotik satuçıların täêmin itüne maqsat itep quyuı belderelde.

İtaliya jandarmeriyäse operaśiyä barışı häm kontrabandaçılarnıñ su astı köymäsen diñgezdä sınağan mizgelläreneñ videosın da cämäğat’çelekkä çığardı.