Su basu qorbannarınıñ sanı artqan
Alarnıñ sanı 169ğa citkän
Braziliyäneñ kön’yağındağı Riu – Grandi - du - Sul ştatında köçle yawım-töşemnär kiterep çığarğan su basudan ğomerlären yuğaltqan keşelär sanı 169ğa, yuğalğannar sanı 56ğa citkän.
Bu xaqta ştatqa bäyle Grajdannar saqlanu bülekçäse xäbär itä.
Su basudan zıyan kürgän 469 qasabada êzläw-qotqaru êşläre däwam itä.
Su däräcäse kimegän qayber qasabalarda su çeltäre tözekländerelgän häm xalıq äkrenläp êçärgä yaraqlı suğa ireşä başlağan, 42 avtoyul, küperlär häm uramnarnıñ su astında buluı häm alarnı êlekke xälenä qaytaru öçen waqıt kiräk bulaçağı belderelä.
Riu- Grandi- du - Sul ştatı gubernatorı Êduardo Leyt 3 nçe mayda yasağan belderüendä “Bu däwlät tarixında iñ ayanıçlı waqıyğa” dip belderep, faciğanıñ zurlığı arqasında 180 könlek afät torışı iğ’lan itülären citkergän ide.
Öç tapqır afät töbägendä bulğan Braziliya däwlät başlığı Luiz İnasiu Lula da Silva töbäkne ayaqqa bastırırğa wäğ’dä birde.
