Höcümnär tuqtamıy: yuğaltular arta
Suğış qorbannarınıñ sanı 35 meñnän artqan
İzrailneñ Ğazzä sızığına 7 nçe oktyabr’dän birle däwam itkän höcümnärdä ğomere özelgän fälästinlelärneñ sanı 35 meň 34kä kütärelgän.
Ğazzädäge Fälästin sälamätlek saqlaw ministrlığı 219 kön barğan höcümnär belän bäyle mäğ’lümatlar citkergän.
Älege mäğ’lümatlardan kürengänçä, İzrail armiyäse soñğı täwlektä 8 küpläp üterü başqarğan, höcümnärdä tağın 63 fälästinleneñ ğomere özelgän, 114 fälästinle cäräxätlängän.
Şulay itep höcümnärdä ğomeren yuğaltqan fälästinlelärneň sanı 35 meň 34 bulğan, 78 meň 755 keşe yaralanğan.
Fälästin sälamätlek saqlaw ministrlığı beldergänçä, cimereklär astında häm yul çitlärendä ülelär bar, läkin İzrail köçläreneň totqarlawı arqasında sälamätlek saqlaw häm grajdannar saqlanu törkemnäre cimereklär astındağı mäyetlärgä barıp citä almıy.
