İzrail fosfor bombaları belän zäytün ağaçların yandırdı

Livan awıl xucalığı ministrı Abbas äl-Xac Xäsän İzrailneñ tıyılğan fosfor bombaları belän här könne höcüm oyıştıruın häm näticädä 60 meñnän artıq qart zäytün ağaçınıñ yanuın belderde. Ul başqala Bäyrutta BMO binasında çığış yasadı.

“Livannıñ kön’yağı här könne xalıqara tıyılğan aq fosfor bombaları belän utqa totıla”,-di ministr. Ul älege höcümnärdä 657dän artıq yanğın çığuın, meñnärçä gektar urman häm basu-qırlarnıñ zarar kürüen assızıqladı.   

Ministr Ğazzädäge häm Livannıñ kön’yağında yäşäwçe keşelärneñ İzrailneñ cinayät’läre arqasında zur qıyınlıqlar kiçerüen citkerä.