Ğazzädä qıtlıq çığa ala

İzrail höcümnäre däwam itkän Ğazzä sızığında citärsez gumanitar yärdäm arqasında qıtlıq çığa aluı turında kisätü yasaldı.

BMOnıñ Yaqın könçığıştağı fälästinle qaçaqlarğa yärdäm kürsätü häm tözekländerü agentlığınıñ X sośial’ säxifädäge akkauntınnan yasalğan belderüdä: “Ğazzädä ber million bala här kön travmalarğa duçar qala. Yärdämnär tamçılap qına kilä, qıtlıq çığarğa tora,” – dip äytelde.

Ğazzäneñ tön’yağında här 6 baladan berseneñ citdi däräcädä citärsez tuqlanuına iğtibarnı cälep itkän agentlık İzrailneñ däwam itüçe höcümnärendä iñ zur zıyannı balalar belän awırlı xatın-qızlar häm bäbilärneñ kürüen assızıqladı.

Ğazzä sızığın yawlağan İzrail armiyase töbäkne öçkä bülde. Bülengän cirlärdä İzrail armiyaseneñ kontrol’ urınnarı bar. Bu urınnardan gumanitar yärdämnär dä İzrailneñ röxsäte bulmıyça kerä almıy.