İzrail xastaxanälärne äzer bulırğa çaqırdı

Livannıñ “Xizbullax”ı belän kiyerenkelek artqannan soñ, İzrail xastaxanälärgä “meñnärçä yaralını qabul itärgä äzerlänü” kürsätmäse birde.

İlneñ sälamätlek saqlaw ministrlığınıñ ğomum mödire Moşe Bar Siman Tov barlıq mediśina ob’yektlarınıñ 24 säğat’ êçendä “ğadättän tış xäl”gä küçärgä äzer buluın soradı. Andıy waqıtta xastaxanälär saqlanu urınnarına küçerelä, yöri alırlıq awırular öylärenä cibärelä häm bik küp yaralını qabul itärgä äzerlek yasala.

Törle illärdä üzixtıyarıy räweştä İzrailgä yärdäm itü telägen beldergän yaqınça 7 meñ yähüd tabibnıñ, kiräk bulsa, kilüläre soralaçaq.

İzrail 2nçe ğıynvarda Livan başqalası Bäyrutta “Xamas”nıñ säyäsi byurosı başlığı urınbasarı Salix äl-Arurinı, 8nçe ğıynvarda “Xizbullax”nıñ yuğarı däräcäle komandirı Visam Xäsän Tavilne aldan planlaştırıp üterde. Şunnan soñ İzrail armiyäse belän “Xizbullax” arasında bäreleşlär arttı.