Germaniyada "PKK" mitingı tarqatıldı

Törkiyäneñ NATOdağı berlektäşe Germaniyä separatist terrorçı oyışma “PKK”ğa yul quymadı. Başqala Berlindağı Aleksandrplaś mäydanında cıyılğan yaqınça 10 keşe, tıyılğan buluğa qaramastan, “PKK” atamanınıñ räseme töşerelgän bayraq kütärde.

Terrorçı törkemen yaqlawçılar yanına poliśiyä kilde häm, demonstraśiyägä röxsät birmiçä, cıyıluçılarnı tarqattı.

Germaniyä “PKK”nı 1993nçe yılda terrorçı oyışmalar isemlegenä kertte, demonstraśiyälärdä atamannıñ räsemnären häm “PKK” belän bäyle simvollarnı kürsätüne tıydı.

Awrupa Berlege dä 2004nçe yıldan birle “PKK”nı terrorçı oyışma bularaq bilgeli.