Putin İrandağı terror höcümen ğayepläde
Rusiya däwlät başlığı:”Bez terrorçılıqnıň barlıq formaların kisken räweştä ğayeplibez"
Rusiya Federaŝiyäse däwlät başlığı Vladimir Putin İrannıň Kirman şähärendä bulğan terror höcümen ğayepläde.
Kreml’dän yasalğan belderügä qarağanda, Putin İrannıň dini liderı Ali Xamaney häm İran ilbaşı İbrahim Räisigä qayğınamä cibärde, ul Kirmandağı terrorçı höcümneň ayanıç näticäläre uňayınnan qayğı urtaqlaştı.
Putin tınıç xalıqnı üterü awırlığı häm räximsezlege belän tetränüen äytte.
”Bez terrorçılıqnıň barlıq formaların kisken räweştä ğayeplibez. Bu yawızlıqqa qarşı köräşkä tuğrı buluıbıznı raslıybız”,- dide Rusiya däwlät başlığı.
Kiçä İrannıñ Kirman ustanında general Qasıym Söläymani cirlängän ziratqa alıp baruçı yulda bulğan ike şartlawda 95 keşe hälaq buldı.
Bäyläneşle xäbärlär
Kolumbiya İzrail belän mönäsäbätlären özä
Kolumbiya ilbaşı Gustavo Petro bu qarar turında belderü yasadı