Kolumbiya İzrail belän mönäsäbätlären özä

Kolumbiya ilbaşı Gustavo Petro Ğazzädä Fälästin xalqına qarata däwam itüçe höcümnär arqasında irtägedän başlap İzrail belän diplomatik mönäsäbätlärne özüen citkerde. Ul başqala Bogotoda 1nçe may - xezmät häm berdämlek könendä tarixi Bolivar mäydanında xalıqqa möräcäğat’ itte.

Petro İzrailneñ liderı häm xökümäten genośid êşläwçe dip atadı. “Bügen mäydannarğa çıqqan barlıq xalıq bezneñ belän ber ük fikerdä: genośid çorına kire qayta almıybız.  Keşelekneñ küz aldında tulı ber xalıqnıñ yuq itelüen qarap tora almıybız, Fälästin ülsä - keşelek tä üläçäk”,-dip söyläde ul.

Gustavo Petro 26nçı marttağı belderüendä, BMO İminlek şurasında Ğazzädä utnı tuqtatu taläbe belän qabul itelgän qararnı ütämäsä, İzrail belän diplomatik mönäsäbätlärne tuqtataçaqların äytkän ide.