İzrailneñ höcümnärendä ülüçelär arttı

İzrailneñ “gumanitar tänäfes”tän soñ Ğazzädä ütergän fälästinlelärneñ sanı 193kä citte.

Ğazzä sälamätlek saqlaw ministrlığı süzçese Äşräf äl-Kudra matbuğat cıyılışında höcümnärdä hälaq buluçılar turında mäğ’lümat birde. Ul İzrail xärbi oçqıçlarınıñ “gumanitar tänäfes” betügä ük höcümnären başlawın xäterlätep, Ğazzäneñ törle cirleklärendä grajdanlılarnı nişanğa alğan bombalawlarda 193 keşeneñ ülüen, 652seneñ yaralanuın citkerde. İñ küp yuğaltular Ğazzä şähäreneñ Äş-Şucaiyyä mäxälläsenä yasalğan hawa höcümendä bula. Anda cimereklär astınnan kimendä 300 keşene üle yäisä yaralı xäldä çığarğannar. Kön’yaqtağı Xan Yunus şähärenä hawa höcüme waqıtında isä 3 bala hälaq bula, 12 keşe yaralana. İzrail Ğazzä sızığındağı qotqaru texnikası häm caylanmalarınıñ 80%ın yuq itkän.

Ğazzädä fälästinle törkemnär belän bäreleşlärdä ülgän İzrail ğaskäriläre sanı isä 72 buldı.

Şul uq waqıtta, Livandağı “Xizbulla” xäräkäte çik buyında İzrail armiyäseneñ 7 xärbi noqtasına höcüm yasawın xäbär itte.