Tüntärelgän lider açlıq iğ'lan itte

Gabonda 30 avgustta bulğan tüntäreleştän soñ wazıyfasınnan çitläşterelgän ilbaşı Ali Bongo açlıq iğ’lan itte.Däwlätkä qarawçı “Radio France Internationale”nıñ xäbärenä qarağanda, advokatları Gabonnıñ tüntärelgän liderı Bongo belän ike ulınıñ törmädäge ğailä äğ’zalarına qarata naçar möğamälä häm ğazaplawlarğa şul räweşle rizasızlıq belderüen citkerä. Älege belderüneñ Bongonı wazıyfasınnan çitläştergän general Bris Oligui Ngemanıñ Franśiyägä säfäre aldınnan yasaluı iğ’tibarnı cälep itä.  

İldäge bäxäsle saylawdan soñ Bongo avgust ayında xärbi tüntäreleş belän wazıyfasınnan alındı. Ul ike ulı belän öy sağında totıla, xatını Silviyä belän ölkän ulı isä törmädä.

Bongo ğailäse Gabon däwläte belän 56 yıl idarä itte. Ätise Omar Bongo täwge tapqır 1967nçe yılda ilbaşı itep saylana. Ul 2009nçı yılda ülgännän soñ, däwlät başlığı känäfiyenä ulı Ali Bongo utıra.