Xärbi kazarmağa höcüm

S’yerra-Leoneda 26nçı noyabr’ tönge säğat’lärdä xärbi kazarmağa bilgesez keşelär höcüm itä. Anda 19 keşeneñ ğomere özelä.

Xärbi süzçe İssa Bangura beldergänçä, waqıyğa ilneñ başqalası Fritawndağı Uilberfors xärbi kazarmasında bula. Höcümçelär qoral saqlağıçına bärep kerä. Anda ülgän 19 keşeneñ 13e ğaskäri, berse poliśiyä xezmätkäre. Monnan tış, 8 keşe yaralana.

Bangura höcüm belän bäyle 3 şöbhäleneñ êläkterelüen belderä. Qalğannarın da qulğa alu öçen operaśiya başlanğan.

Fritawndağı älege höcüm waqıtında töbäktäge törmädän bik küp mäxküm qaça. Älege xällärdän soñ il külämendä öleşçä komendant säğate kertelä.

S’yerra-Leone ilbaşı Djulius Maada Bio höcümnän soñ xalıqqa möräcäğat’ itte. Ul ildä tınıçlıqnıñ qabat urnaşuın häm höcümne oyıştıruçılarnıñ kübeseneñ êläkterelüen belderde.