İzrail mäktäp häm xastaxanäne bombaladı

İzrail xärbi oçqıçlarınıñ Ğazzäneñ tön’yağında Äbu Xösäyen mäktäbenä yasağan höcümendä 27 keşe ülde, kimendä 93e yaralandı.

Fälästin räsmi agentlığı WAFAnıñ xäbärenä qarağanda, BMOğa qarawçı uqu yortına Cäbaliyä möhacir lagerınnan küçenergä mäcbür bulğan yözlärçä fälästinle sıyınğan.

Şulay uq, İzrail xärbi oçqıçlarınıñ Ğazzäneñ üzäk häm kön’yağında toraq punktlarğa yasağan hawa höcümnärendä kimendä 11 keşeneñ ğomere özelä, bik küp yaralanuçı bar.

Ğazzä sälamätlek saqlaw ministrlığı tön’yaqta İndoneziya xastaxanäseneñ köçle bombalawğa duçar buluın, 200 awıru häm mediśina xezmätkärläreneñ ğomere öçen borçıluların belderde.  

WAFA isä İsrail ğaskäriläreneñ köçle bombalawdan soñ xastaxanägä basqın oyıştırıp yaralı ber xatın-qıznı üterülären, kimendä 3 keşene yaralawların häm 3sen qulğa aluların citkerde.